ترکیه به نور ځواکونه هم افغانستان ته واستوي

خبریال ویب پآڼه/ بروکسل کې د ناټو غړو هېوادونو ترمنځ غونډه ترسره شوې چې پکښي د افغانستان په هکله هم بحث شوی او ویل شوي چې د کابل هوايي ډګر د تجهیز لپاره به مالي لګښت هم پوره کوي.

ترکیه چې وړاندې يې هم ویلي وو، په افغانستان کې مسؤلیت منلو ته چمتو یو ځل يې بیا د  ناټو غړو هېوادونو په غونډه دې مسؤلیت چې د کابل هوايي ډګر امینتي چارې او نوري دي زړه ښه کړی.

ترکیه په افغانستان کې اوس مهال ۵۰۰ سرتیري لري خو که چیري دوی د کابل هوايي ډګر مسؤلیت پر غاړه واخلي ښايي چې په افغانستان کې د خپلو سرتیرو شمېر هم زیات کړي، ځکه چې د امنیت او هوايي ډګر ساتلو په برخه کې بشري او پوځي قوت ته اړتیا لیدل کیږي ترکيې په دې شرط چې باید لوژستیکي او مصارفي لګښت ورته برابر شي نو دوی چمتو دي د کابل هوايي ډګر مسؤلیت واخلي.

په دې اړه د ترکیې ولسمشر رجب طیب اردوغان ویلي

ترکیې ولسمشر رجب طیب اردوغان ژمنه کړې چې افغانستان کې مسؤلیت اخیستلو ته اماده دی ادردوغان وړاندې له دې چې بروکسل ته ولاړ شي په انقره کې خبریالانو ته وویل چې د ټولو بهرنیو ځواکونو په وتلو سره یوازنی باوري هېواد ترکیه ده چې باید د کابل هوايي ډګر ورته وسپارل شي او هغوی به  دا مسؤلیت په ښه توګه سره ادا کړي، د نوموړي په خبره چې د کابل هوايي ډګر د مسؤلیت اخیستلو په هکله له ده سره امریکايي چارواکو هم خبرې کړې او ترکیه چمتو ده چې دغه مسؤلیت په ښه توګه سره ترسره کړي او ویې مني، دی به په بروکسل کې له بایډن سره هم پر دې مسله باندې خبرې وکړي.

افغان دولت بیا ویلي دوی خپله کولای شي هرڅه تنظیم کړي ځکه دوی اوس هغې مقطع ته رسیدلي چې د هېواد د ټولو امورو مسؤلیت په ښه توګه واخلي.

خو طالبانو د ترکیې له دې پریکړې سره مخالفت کړی او ویلي يې وو، چې د دوحې د تړون له مخې هیڅ یو بهرنی هېواد اجازه نه لري چې افغانستان کې ځواکونه وساتي او دوی به هیچاته دا اجازه ورنکړي چې داسې وکړي اوس له افغانستانه د ټولو بهرنیو ځواکونو وتلو پروسه  پيل شوې