تالبانو له ډاره د ټول افغانستان خلک ممنوع الخروج کړل

خبریال ویب پاڼه/ تالبانو په خپله وروستۍ پريکړه کې د افغانستان ټول خلک بهر ته له سفر کولو منع کړي او ټول يې ممنوع الخروج کړي دي.
د تالبانو دا تصميم له اسلامي ملي او بین المللي قوانينو سره په ټکر کې او دوی له دې لارې غواړي چې په خلکو کې ډار خپور کړي او په زوره خپل قوانين په خلکو ومني.
د تالبانو ویاند ذ بی.ح الله م جاهد په خپلو تازه څرګندونو کې ويلي چې میرمنو ته له شرعي محرم پرته بهر ته د سفر کولو اجازه نشته او همدارنګه هيڅ افغان وګړی بغير له کوم عذره پرته نشي کولای چې بهرني هېواد ته سفر وکړي.
په دې اړه لیکوال نورآغا شريفي وويل چې تالبان داسې يوه چاره ترسره کوي چې نه په اسلامي او نه هم په نړیوالو قوانینو کې ځای لري د ده په خبره چې تالبان د هغه حرکتونو څخه چې يو غورځنګ يې رامنځته کړی لکه د ميرمنو او نورو ویره لري او غواړي په زور سره پر خلکو خپل قوانين ومني.
تالبان شپږ مياشتي کیږي چې پر افغانستان واکمن شوي له هغه راوروسته لکونه افغانان له هېواده تښتېدلي او دا لړۍ لا هم روانه ده، که تالبان په استبداد ي ډول غواړي افغانان زنداني غوندي وساتي نو ليري نه ده چې د دوی دا پريکړه به له نړيوالو غبرګونونو سره مخ شي او یو ځل بیا به د ښځو د محروميت په څېر دا قضیه هم کش واخلي.
تر یوه بریده د هوا په توديدو د امنیت خرابوالی او همدارنګه په ټوليزه توګه مدني فعالیتونه د تالبانو د ډار سبب ګرځي او دوی غواړي په ویره خپرولو سره دا چاره کنټرول کړي.