پر افغانستان يو ځل بيا وارداتي برېښنا کمه شوه
پر افغانستان يو ځل بيا د ازبکستان وارداتي برېښنا کې پرچاوي رامنځته شوه.
د طالبانو تر کنټرول لاندې د افغانستان د برېښنا شرکت وايي د ازبکستان هېواد وارداتي برېښنا په دغه هېواد کې د ځينو تخنيکي ستونزو له کبله په افغانستان پرچاو شوه.
دغه شرکت پرون په خپله ټوېټر پاڼه ليکلي چې دا ستونزه پرون رامنځته مازديګر رامنځته شوې.
د افغانستان د برېښنا شرکت وايي د ازبکستان اړوند چارواکو ډاډ ورکړی چې ستونزه به ژر تر ژره حل کړي.
د يادونې وړ ده چې تر دې وړاندې هم د افغانستان وارداتي برېښنا له اوږدې مودې راهیسی پارچو شوې وه چې ګڼ خلک يې له ستونزو سره مخ کړي وو.
برېښنا شرکت وايي د پرچاوۍ د ستونزې له کبله به په نوبتي ډول ولايتونو او سيمو ته د څو ساعتونو برېښنا ورکول کيږي څو خلک خپلې ستونزې پرې حل کړي.
افغانستان د برېښنا له درکه اويا سلنه برېښنا له ګاونډيو هېوادونو پوره کوي چې ډېر کله د دغو هېوادونو له لوري په برېښنا کې ځينې ستونزې را پيدا کيږي.
Comments are closed.