پاکستان او افغان لوبډلو ترمنځ د سيريز لپاره د افغانستان د توليد په زړه پورې ټرافي

ټاکل شوې نن د افغانستان او پاکستان کرېکټ ملي لوبډلو ترمنځ شل اوريزه لوبلړۍ پيل شي.

د دې لوبلړۍ لومړۍ لوبه به نن شپه د کابل پر وخت په اته نيمو بجو د متحده عربي اماراتو په شارجه لوبغالي کې پيل شي.

د لوبلړۍ ورپسې دوه نورې لوبې به د مارچ په ۲۶مه او ۲۸مه نيټه ترسره شي.

د افغانستان کرېکټ بورډ د لوبغاړو له قوله د پاکستان پر وړاندې لوبو ته د پوره چمتووالي خبر ورکړی.

دا ځل د افغانستان د خپل توليد قالينه د لوبلړۍ لپاره د ټرافي په توګه په زړه پورې ډيزاين شوې.

خلکو د کرېکټ بورډ دا نوښت ستايلی او وايي چې په دې سره به نړيوالو ته د افغانستان د کورني توليدات په اړه ډېر ښه پيغام وړاندې شي.

د يادونې وړ ده چې دا لومړی ځل دی چې د دواړو هېوادونو لوبډلې درې شل اوريزو لوبو سيريز لوبوي.

تراوسه د افغانستان لوبډله پاکستان سره د اسيا جام او د ای سي سي نړيوالو لوبو کې مخامخ شوې چې په وروستي اور کې پاکستان ترې په ډېره ګرانه ګټلې ده.