عباس ستانکزی: پاکستان داعش د جګړې لپاره افغانستان ته رالېږي
د طالبانو د بهرنیو چارو وزارت سیاسي مرستیال شیر محمد عباس ستانکزی وايي، چې پاکستان داعش په خپل هېواد کې روزي، وسلې ورکوي او له هغه وروسته یې افغانستان ته جګړې لپاره رالېږي.
نوموړي دغه خبرې د شمشاد ټلویزیون سره په خپله یوه مرکه کې کړې دي.
هغه وايي، چې دوی سره ثبوتونه شته او دغه ثبوتونه یې له دوی سره شریک کړي هم دي. هغه زیاتوي، چې داعش په پاکستان کې مرکزونه لري، د پاکستان پوځ دوی ته روزنه وورکوي، وسلې ورکوي او بیا یې افغانستان ته رالېږي تر څو دلته جګړه وکړي.
د یادولو وړ ده، چې کله طالبان د افغانستان اسلامي جمهوریت پر ضد جنګېدل، هم مرکزونه یې په پاکستان کې و، خو اوس دوی وايي چې د دوی پر وړاندې جنګېدونکي داعشیان هم له پاکستان راځي.
