ننګرهار کې د جنازې په مراسمو چاودنې ٧٢ تنو ته مرګ ژوبله اړولې

خبریال وېب پاڼه/ ننګرهار کې د جنازې مراسم کې د چادونې له امله ۷۲ تنو ته مرګ ژوبله اوښتې.

د ننګرهار والي شاه محمود میاخېل وايي کوز کونړ ولسوالۍ کې د جنازې په مراسمو کې د رامنځته شوې پېښې له امله ۱۵ تنه شهیدان شوي او ۵۶ تنه نور ټپيان دي.

په شهیدانو کې د ولایتي شورا غړی عبدالله ملکزی لالاخان او ټپیانو کې د ولسي جرګې غړی ملک قیس نوراغا ملکزی شامل دي.

پېښه د کوز کونړ ولسوالۍ د سیمه اییزو پولیسو قوماندان شېخ اکرام چې تېره شپه د زړه ناروغۍ له امله وفات شوی وو، د جنازې د مراسمو وړاندې نږدې یوولس بجې د ځآنمرګي برید له امله رامنځته شوې.

د زیات شمېر ټپیانو روغتیایي حالات هم نازک ښودل شوی دی.

د وسله والو طالبانو ویاند ذبیح الله مجاهد پر خپله ټوېټر پاڼه لیکلي، چې د ننګرهار ولایت ښيوې ولسوالۍ کې په جنازه کې چاودنه طالبانو پورې اړه نه لري او دغه پېښه غندي.

نور جزییاتو لپاره خبریال ویب پاڼه وڅارﺉ!