د بوروندي ولسمشر په کرونا بې باورۍ وواژه

خبریال وېب پانه/د افریقا په زړه کې د پروت بوروندي هېواد له ولسشمریزو تاکنو یوازې دوې اونۍ وروسته په ظاهره د زړه حملې له امله ومړ.

د بوروندي هېواد ولسمشر پیئر انکرونزیزا د چې په کرونا باندې یې باور نه درلود او د دغې وبا په اوج کې یې ولسمشریزې ټاکنې وکړې، تېره ورځ یې د والیبال کولو پر مهال د زړه سکته وکړه او روغتون ته له رسېدو سره یې ساه ورکړه. چارواکي وایي نوموړی په کرونا وبا باندې اخته ؤ خو ورته بې تفاوته ؤ.

بوروندي د افریقا په زړه کې قرار لري او د ۱۲ ملیونري نفوس په درلودلو سره د نړۍ په کچه یو بېوزله هېواد ګڼل کېږي.

په پیئر انکرونزیزا باندې پرون د سه شنبې په ورځ د والیبال لوبې کولو پر مهال د زړه سکته راغله او روغتون ته له لېږدولو وروسته یې ساه ورکړه.

د دغه هېواد چارواکي وایي چې څو ورځې وړاندې د نوموړي مېرمن په کرونا وبا اخته شوې وه چې د بوروندي هېواد پلازمېنې کنیا په یوه روغتون کې بیستر شوه. دوی زیاتوي چې پیئر انکرونزیزا هم په کرونا وبا اخته ؤ خو د خپل ضد له امله چې په دغې ناروغۍ باندې یې باور نه درلود، ومړ.

انکرونزیزا په ۲۰۰۵ ز کال کې واک ته ورسېد او په ۲۰۱۵ ز کال کې یې د دریم ځل لپاره ځان ولسمشریزو ټاکنو ته نوماند کړ، چې په دغه هېواد کې د سختو مخالفتونو سره مخ شو. په دغه کال کې خونړیو لاریونونو د څه د پاسه ۱۲۰۰ کسانو ژوند واخیست او شاوخوا ۴۰ سوه زره کسان په دغو توندو لاریونونو کې بې ځایه شول.

وروستۍ ټاکنې دوې اونۍ وړاندې د کرونا وبا په اعظمي حالت کې په پلازمېنه او یو شمېر نورو ښارونو کې ترسره شوې. که څه هم په دغو ټاکنو کې نوموړی پخپله نوماند نه شو او د نوموړي په غیاب کې اواریست اندایشیمیه ځان نوماند کړ چې د ۶۸ سلنه رایې په تر لاسه کولو سره واک ته ورسېد.

کرونا وبا اوس هم په ټوله نړۍ کې په خورا چټکۍ د خپرېدو په حال کې دی خو ځینو هېوادونو قابو کړی دی او په خپلو هېوادونو کې یې ګرځبندیزونه هم نرم کړي دي.