سولې ته د رسېدو لپاره د افغانستان قمار او د غني اندېښنې

خبریال وېب پاڼه/ سولې ته د رسېدو لپاره د افغانستان قمار، هغه قمار چې د امریکا په غوښتنې یې، د څلور سوه طالب بندیانو خلاصون لپاره د سولې لپاره قمار وکړ.

خو افغان حکومت د طالبانو سره د سیاسي جوړ جاړي له لارې سولې ته د رسېدو او پر طالبانو باوري نه دي.

په همدې حال کې ولسمشر غني اندېښمن دی او په تازه وخت کې ویلي، د سولې خبرو هر ډول منفي پایلې رامنځته کېدو په اړه د ګواښونو مدیریت لپاره خپرونې په پام کې نیول شوي دي.

ولسمشر غني وايي چې افغانستان له خپلو شریکانو او همکارانو سره یو ځای د خبرو احتمالي منفي اغېزو له پاره چمتوالی نیولی دی.

ولسمشر غني د امریکا بهرنیو اړیکو شورا سره په خبرو کې ویلي دي چې که چېرې د سولې بهیر پای ته ونه رسیږي د طالب زندانیانو خوشې کېدو تصمیم به یې په راتلونکي کې دا رنگه یاد شي چې د نړیوالې ټولنې بیړنيتوب او کور دننه ښاریان لامل شوي دي چې افغانستان کې قانون پلي کېدل.

بل خوا غني ټینګار کوي چې د سولې بین الافغاني خبرو هره پایله به وروستۍ نه وي د ملي شورا او ښاریانو تایید ته اړتیا ولري.

ولسمشر غني د امریکا بهرنیو اړیکو شورا سره په دغه مجازي خبرو کې وایي افغانستان د متحده ایالاتو په غوښتنې سره دغه بندیان خوشي کوي خو شونې ده چې دغه کار د افغانستان، امریکا او نړۍ لپاره خطرناکه پایلې ولري.

په ځانګړي توګه که چېرې له طالبانو سره د حکومت پلاوي خبرې پایلې ته ونه رسیږي.

غني مني چې د دغه بندیانو د خلاصون پریکړه په کورني او بهرني بیړنيو شرایطو کې نیول شوې ده او په افغانستان کې د قانون حاکمیت بهیر د کمزورې کېدو لامل کیږي خو ټینګار کوي که چېرې خبرې پایلې ته ورسیږي، هغه مهال به دغه پرېکړه توجیه ولري.

خو ولسمشر غني وایي افغانستان له خپلو همکارانو او نړیوالو متحدینو سره د خبرو احتمالي ماتې وضعیت مدیریت لپاره هم پلان جوړ کړی دی.

له دې سره ولسمشر وایي د بین الافغاني خبرو پایله چې هر څه وي وروستی به نه وي او ملي امنیت شورا او د افغانستان خلکو تایید ته به اړتیا ولري.

نوموړی ټینګار کوي د حکومت راتلونکې جوړښت په اړه هره پریکړه به د افغانستان خلک ونیسي او طالبان نه باید د واک تر لاسه کولو په لټه کې واوسي ځکه چې د افغانستان د خلکو لپاره به د منلو وړ نه وي.

د غني په خبره د اوربند ټینګښت، د جګړې پای لپاره د سیاسي چوکاټ جوړښت، د نشه یې توکو پر ضد مبارزه او د ترهګرۍ له منځه وړل به له طالبانو سره د حکومت مرکچي پلاوي له لومړیتوبونو څخه وي.

له دې سره نوموړی زیاتوي، چې د سولې ټینګښت لپاره د طالبانو احتمالي ژمنې ته چندانې خوشبین نه دي او وایي هیڅ تضمین شتون نه لري چې طالبان دې بیا ځلي د جګړې ډګرونو ته ستانه نه شي.