د بین لافغاني خبرو د پیل لپاره ۵ هېوادونه منځګړیتوب کوي

له تیرو شاوخو څو اونیو راهیسې د افغانستان اسلامي جمهوریت پلاوی قطر کې دی تر څو له طالبانو سره مخامخ خبرو ته کښينې هغوی یوله بل سره د تماس ډلې وټاکلې خو تراوسه دوی په دې نه دي توانیدلي چې یو له بل سره مخامخ خبروته کښیني

خو اوس د دې  خبرو د پیل لپاره ۵ هېوادونه منځګړیتوب کوي ترڅو بین لافغاني خبرې پیل سي د افغانستان د ملي روغي جوړي شورا څخه یو شمېر سرچینې وايي چې د طالبانو او افغان دولت ترمنځ د سولې د خبرو د بن بنست څخه د وتلو لپاره د قطر هېواد په ګډون پنځه نورو هېوادونه منځګړیتوب کوي

د مصالحې شورا د اوس لپاره د سولې خبرې دریدل بولي او د پیل لپاره هیله لري دغه منځګړیتوب به، قطر، جرمني، ناروې، اندونیزیا او ازبکستان وکړي

تراوسه پوري د دولت او طالبانو د تماس ډلو غونډو نتیجه نه ده ورکړې د مصالحې شورا دغه سرچینه وايي چې د طالبانو او دولت مرکه چي پلاوی د تماډلو غونډې دریدلې خو د دولت مرکه چې پلاوي غړي يې نه مني

تراوسه پوري افغانستان کې نه هم د سولې څرک مالوم سو او نه هم د خبرو عام افغانان په دې نظر دي چې د سولې لپاره باید په رښتیني ډول سره ګامونه پورته سي او لومړی  باید اوربند وسي خو طالبانو د اوربند کولو غوښتنه رد کړې او ویلي يې دي چې له ټولو طرفونو خپلو فشارونو ته دوام ورکوي

په دې وروستیو کې د افغانستان په یو شمېر ولایتونو کې سختو جګړو کې ملکي  خلک سخت و ځپل سول د کندهار له ارغندابه نژدې سل کورنۍ، او له هملند څخه د ۵۰۰۰ کورنیو د بې ځایه کیدلو راپورونه ورکول سول چې دا خلک هلته د بې کورۍ سره سره د خوراکي توکو له نشتوالي او نورو روغتیايي ستونزو سره مخ دي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More