خالد: د کندهار امنیت ډاډمن کیږي

خبریال ویبپاڼه/ د افغانستان دفاع وزارت او غوڅ ملاتړ ماموریت عمومي  قوماندان جنرال سکاټ میلر کندهار ولایت ته په سفر کې د کندهار د امنیت کیدلو ډاډ ورکړی او ویلي يې دي چې وسلوالو طالبانو ته يې درنه مرګ ژوبله اړولې

په وروستیو ورځو کې د کندهار ولایت ارغنداب  او ژړۍ ولسوالیو کې د طالبانو او افغان ځواکونو ترمنځ نښتې روانې دي چې پر مهال يې د کندهار اوسیدونکي اندېښمن کړي چې  ښايي کندهار هم د هلمند  په څېر سي پر همدې مهال د افغانستان د دفاع وزارت سرپرست او د بهرنیو ځواکونو عمومي قوماندان سکاټ میلر کندهار ته ولاړل او د دې ولایت له محلي چارواکو سره يې وکتل خو

د افغانستان د دفاع سرپرست وزیر اسدالله خالد ډاډ ورکړی او ویلي يې دي چې ټول به ژر په دې ولایت کې د امنیتي حالت د ښه کیدلو شاهدان و اوسو  په دې ولایت کې مېشتو افغان ځواکونو د دفاع سرپرست وزیر او په افغانستان کې د ناټو عمومي قوماندان ته ډاډ ورکړ چې طالبانو ته‌یې درنه مرګ‌ژوبله اړولې او ژر به د دې ولایت له نا امنه سویو سیمو طالبان وباسي.

تراوسه پوري لاهم په یادو ولسوالیو کې نا امني روانه ده او په ځینو سیمو کې يې نښتې رامنځ ته کیږي د کندهار اوسیدونکي د وروستیو نا امنیو رامنځ ته کیدلو له امله اندېښمن دي او ویلي يې دي چې باید د کندهار د امنیت لپاره کوښښ وسي

طالبانو له هلمند وروسته د کندهار او ارزکان پر یو شمېر ولسوالیو بریدونه وکړل او د دې ولسوالیو ډیری سیمې ونیولې له دې نا امنیو سره تر خوا د سیمې هېوادونه په دې کوښښ کوي چې  د طالبانو او دولت ترمنځ ژر د سولې خبرې پیل سي ترڅو جګړې ته د پاي ټکی کښېښودل سي، خو لا مالومه نه ده چې افغانستان کې به روانه جکړه څه وخت پای مومي