ولس ته د ژوب په جلسه کې د مشر منظور پښتین بلنه

خبریال وېب پاڼه – د لر اوبر افغان د سولې او هدفي وژنو د مخنیوي په موخه پښتون ژغورنې غورځنګ سبا د جنوبي پښتونخوا په تاریخي ښار ژوب کې د یوې پراخې جلسې تابیا کړې ده.

د لراوبر افغان د سولي ترڅنګ به په دې جلسه کې د ولس پر ځايي مسایلو هم خبرې کیږي.

د پښتون ژغوژنې غورځنګ مشر منظور احمد پښتین ټولو پښتنو ته د ژوب په دې جلسه کې د ګډون بلنه ورکړه.

د مشر منظور پښتین، محسن داوړ، علي وزیر او د غورځنګ غړو د پښتین پر فېسبوک پاڼه په یو خپره کړې ویډیو کې د پښتونخوا ټولو ولسونو ته په جلسه کې ګډون اخیستلو بلنه ورکړې.

پښتین هم وایي، د ژوب په تاریخي ښار کې ی له جلسې موخه له جابرانو څخه د حق اخیستل، د لر او بر د افغان سولې لپاره غږ پورته کول، هدفي وژنو، ریاستي دسیسو، او د بلاک شویو پېژند کارتونو پر خلاف د غورځنګ تر سیوري لاندې لویه احتجاجي جلسه کول دي او په دې کې د پښتونخوا له ولسونو په پراخه توګه د ګډون کولو غوښتنه شوې ده.

دا په داسې حال کې ده، چې په لرې پښتونخوا کې یو ځل بیا د پاکستاني ریاست له لوري د پښتنو د ځورولو، نیولو او هدفي وژنو پېښې زیاتې شوي.

ویل کیږي د پاکستان په زندانونو کې ډېر یې پښتانه دي چې د پاکستاني ریاست له لوري په نا حقه نیول شوي او لا هم په بند کې ورځې شپې تېروي.

د پښتون ژغورنې غورځنګ دا راز په افغانستان کې د وروستیو خونړیو بریدونو او پېښو په تړاو هم د احتجاجونو خبر ورکړی وو.

غورځنګ تر دې وړاندې پر کابل پوهنتون د برید په غبرګون کې هم په ژوندۍ بڼه احتجاج درلود او د افغانستان په مسایلو او سولې لپاره یې د لا نورو پراخو د احتجاجونو خبر هم ورکړی وو.

سبا یکشنبه د نومبر اتمه په ژوب کې د پښتون ژغوژنې غورځنګ لویه احتجاجي جلسه ده او له دې وروسته به د نومبر پر ١٥مه نېټه د شمالي وزیرستان په میرانشاه سیمه کې به د خړ کمر د شهیدانو پر یاد پراخه غونډه ولري او د احتجاجونو لړۍ به له دې وروسته دوامداره شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More