خالد: د بهرنیو ځواکونو شمېر ښايي نور هم زیات سي

خبریال ویبپاڼه/ د افغانستان د دفاع وزارت سرپرست وزیر اسدالله خالد نن ولسي جرګې ته د خپلو موخو او پلانونو وړاندې کولو پرمهال وویل چې بهرنیان له افغانستانه نه وزي او داسې احتمال سته چې شمېر يې نور هم زیات سي

هغه د افغان پوځ په رابطه خوشبیني څرګنده کړه چې  هغه اوس پياوړی او دا وړتیا لري چې له خپلې خاورې ساتنه وکړي د خالد په خبره افغان پوځیان ۹۶ سلنه عملیات په خپله ترسره کوي هغه وویل بهرني ځواکونه د کمیدلو پرځای ښايي زیات سي

خو بل پلو داسې راپورونه ورکول کیږي چې د افغانستان په یو شمېر ولایتونو کې  امریکایان یو په یو خپلې اډې خوشي کوي او ترې  وزي د راپورونو له مخې چې ټرمپ به ډیر ژر د ټولو امریکايي سرتیرو د وتلو اعلان وکړي خو د سرتیرو داسې وتل د امریکا په کور دننه کې له یو شمېر غبرګونونو سره مخ سو. سناتورانو له ټرمپه وغوښتل چې له افغانستانه دي په بیړنۍ توګه سرتیري نه باسي د یوې ډلې امریکايي سناتورانو مشر مک کانل ویلي چې په اوسنیو شرایطو کې له افغانستانه د سرتیرو ایستل له شرمه او خطرډکه پریکړه ده هغه له ټرمپ څخه غوښتي چې امریکايي سرتیري دي په داسې شرایطو کې له افغانستانه نه باسي

د هغه په خبره چې باید د عراق کړنه افغانستان کې تکرار نسي او داډول غیري منطقي پریکړي ترسره نسي ځکه ښايي افغانستان هم د عراق غوندي پکښي نوې ترهګرې ډلې جوړي سي هغه له ټرمپه غوښتي چې له خپلې پریکړې څخه دي په شا سي

دده په وینا له افغانستانه په عجولانه توګه د سرتیرو ایستل د امریکا او د هغوی متحدینو امنیت ته لوی ګواښ کیدلای سي

د افغانستان د دفاع وزیر په داسې مهال دا څرګندونې کړې چې ناټو هم په یوه تازه بیان کې ویلي چې د خپلو سرتیرو شمېر په افغانستان کې کموي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More