غني د عمران خان لپاره ټول کابل رخصت کړ

خبریال وېب پاڼه/ د کار او ټولنیزو چارو وزارت د یوې اعلامیې پر خپرولو سبا پنجشنبه په ټولې پلازمېنه کابل کې عمومي رخصتي اعلان کړې.

د کار او ټولنیزو چارو وزارت د رخصتۍ لامل د ټرافیکو د ګڼې ګوڼې څخه مخنیوی په ګوته کړی.

خو پلازمېنې کابل کې د حکومت له لوري رخصتۍ عمده لامل سبا کابل ته د پاکستان د لومړي وزیر عمران خان رسمي راتګ دی.

حکومت وار له مخه د عمران خان د راتګ مراسمو ته تابیاوې نیولې وې او ځای ځای یې د پاکستان بیرغ هم ځړولی وو.

د افغانستان د ولسمشر اخلاص مو ولیدلو؟

د د ښمن هېواد پاکستان د لومړي وزیر چې په پاکستان کې په بې اختیاره او د پوځ په لاس پوڅي‌ وزیر اعظم مشهور دی، د هغه لپاره یې ټول کابل کې رخصت اعلان کړی.‌

ډېر شرم دی چې د واک د غځولو لپاره یو کس او پر هغه راڅرخېدلي تر هره بریده مخکې تلی شي.‌

د پاکستان پوځ او حکومت ټول عمر د افغانستان د خاورې او خلکو دنابود کولو لپاره ډول ډول سازشونه جوړ کړي، د روانې جګړې تر ټولو لوی حامي دی، خو افغان حکومت اوس هم ورسره خوږ خوږ کیږي.

د پاکستان د دومره شیطانت او منافقتونو پر وړاندې افغان حکومت خپل دریځ بدل نه کړو، سخت یې نه کړو بلکې نور یې هم نرم او خوږ کړ چې اوس د دوښمن هېواد چارواکو ته دولتي او غیر دولتي ادارې او عمومي کابل رخصتوي.

تر اوسه به تاسې داسې کوم هېواد نه وي لیدلی چې د بل هېواد او ځانګړې توګه د یو ښکاره نوښمن او منافق هېواد د چارواکو ورتلو ته رخصتي اعلان کړي، خو افغان حکومت یې اعلانوي.

حکومت غواړي په دې سره ځان پاکستان ته نزدې کړي، حالانکه پاکستان ته د نزدې کېدلو هېڅ ګټه نه شته، څومره چې ور نزدې کېږې او خوږېږې هومره به دې خوري، که حکومت د پاکستان او د پاکستان ته ورته هېوادونو پر وړاندې خپل خوږ دریځ تریخ نه کړي، همداسې به د خلکو له سترګو وغورځیږي او خپل لږ ساتلی محبوبیت به نور هم په سیند لاهو کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More