فرصت ښوونيز مرکز ١١٥ زده کوونکي له عصري زده کړو فارغ کړل

خبریال وېب پاڼه/ د کندهار فرصت ښوونيز مرکز شاوخوا ١١٥ تنه زده کوونکي له کمپيوټر زده کړو څخه فارغ کړل، چې ياد پروګرام د درې مياشتو معياري تدريس وروسته څخه بشپړ او زده کوونکو یې اسناد تر لاسه کړل.

د دې پروګرام په پوره کولو سره د زده کوونکو څخه ازموينه واخيستل شوه او د ازموينې د نتيجې په صورت کې نن سلګونه زده کوونکو ته د فراغت غونډې په جوړولو سره اسنا ورکړل شو، چې ګڼ شمېر چارواکو، ځوانانو، قومي مخورو، علما کرامو، والدينو او زده کوونکو یې د فراغت په مراسمو کې ګډون کړی و.

د دې پروګرام په بشپړېدلو سره ياد زده کوونکي کولای شي، چې خپلې لومړنی ستونزې ېې حل کړي.

د کندهار فرصت مرکز ولايتي مسؤول د پيليزي وينا په کولو سره ياد ښوونیز مرکز د بهر ميشتي افغان سوداګر شوکت زماني په پيغام ويلو سره ولس ته ژمنه ورکړه، چې موږ به خپلو علمي فعاليتونو او د بې چاره هېوادوالو لپاره خپلې علمي هڅې لا ګړندی کړو.

د يادې غونډې په برخه کې علما کرامو، ځوانانو، قومي مخورو او والدينو په نوبت سره وينا وکړه او د یاد ښوونیز مرکز له بنسټګر شوکت زماني څخه يې مننه وکړه، چې زموږ بچيو ته يې د زده کړو زمينه مساعده کړې ده.

د کندهار فرصت ښوونيز مرکز ادارې مسؤولین وایي، هڅه کوي، تر څو خپلو علمي فعاليتونو ته ادامه ورکړي او د یاد مرکز له بنسټګر څخه د کندهار د ولس په استازولي مننه کوي، چې کندهار مېشتو، غريبو، بې وزلو او لا چارو زده کوونکو ته يې د زده کړو زمينه مساعده کړې ده.

دوی وایي، کندهار به کندهار شي او يو ځل بيا به د ادب د ستورو کور شي.

کندهار کې فرصت ښوونیز مرکز بې وزلو او غریبو کندهاریانو، ته د انګلیسي، کمپیوټر او دیني برخه کې وړیا زده کړې ورکوي او تر دې دمه یې سلګونه زده کوونکي پر عصري زده کړو سمبال کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More