په غزني او زابل کې موټر بم بریدونو ۷۷ کسانو ته مرګ ژوبله واړوله

خبریال وېبپاڼه/ چارواکي وايي، په غزني او زابل کې د موټر بم بریدونو له امله تر اوسه د ۳۱ کسانو د شهادت او ۴۶ تنو نورو د ټي کېدو خبر ورکړل شوی دی.

 نن سهار شاوخوا اته بجې د غزني ښار دریمې امنیتي حوزې اړوند د عامه نظم ساتنې پر یو کنډک موټر بم برید شوی دی.

د غزني روغتیا ریاست ویلي، په موټر بم برید کې دیرش تنه شهیدان شوي او ۲۴ نور ټپیان دي

د وژل شویو او ټپیانو په ډله کې ډيری یې افغان امنیتي ځواکونه دي.

له دې سره د زابل چاودنه کې د ولایتي شورا د رییس یو ساتونکی شهید شو او د ښځو ماشومانو په ګډون ۲۲ کسان په کې ټپیان شوي دي.

د ولایتي شورا رییس عطا جان حق بیان سطحي ټپي شوی دی.

دا چاودنه نن سهار د زابل مرکز کلات ښار کې هغه مهال وشوه چې د ولایتي شورا رییس له کوره د شورا پر لور روان و.

د زابل روغتیايي مسولینو د ۲۲ ټپیانو له ډلې د څلورو کسانو روغتیايي وضعیت د اندېښنې وړ ښودلی دی

د یادو دواړو چاودنو مسولیت تر اوسه کومې ډلې په غاړه نه دی اخیستی.

د سولې مبهم برخلیک

په غزني او زابل کې په داسې حال کې موټر بم بریدونه کېږي چې تېر ماښام قطر کې د طالبانو سیاسي دفتر خبر ورکړ، چې د بین الافغاني خبرو اترو پر کړنلاره افغاني لوري سره موافقې ته رسېدلې دي.

د طالبانو د قطر دفتر ویاند نعیم وردګ ویلي، د بين الافغاني مذاکراتي ټيمونو تر منځ د بين الافغاني مذاکراتو طرز العمل د دوه زره شلم کال د نومبر مياشتې پر پنځلسمه نېټه په يوويشتو مادو کې تکمیل او نهايي شوی دی.

د ده په خبره، د طرز العمل تر لوستو وروسته يې يوه کاپي قطر ته ورکول شوې.

تر اوسه حکومت په دې اړه کوم غبرګون نه دی څرګند کړی.

خو د سولې خبرو سره هممهاله روانه جګړه او وحشي بریدونو عام افغانان سخت اندېښمن کړي او وايي، که وضعیت همداسې دوام وکړي، د دوی برخلیک به له تیارو سره مخ شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More