پښتین د ملالې په شهادت لر او بر ولس ته تسلیت وړاندې کړ

خبریال وېب پاڼه/ د پښتون ژغورنې غورځنګ مشر منظور پښتین د خبریالې ملالۍ میوند په شهادت د لر او لر افغان ولسونو سره خواخوږي وښوده او تسلیت یې وړاندې کړ.

نوموړي په خپله فېسبوک پاڼه د شهیدې ملالې د شهادت په تړاو ویلي، چې د افغانستان تکړه خبریاله او د پښتون ژغورنې غورځنګ ملګرې او کلکه ملاتړې چې په وسله وال برید کې شهیده شوه، شهادت یې ډېر درودونکی دی.

پښتین وایي دا د کال لسمه پېښه ده چې د هېواد مشهور او تکوه خبریالان مو ددوښمن له لوري په بې رحمۍ په شهادت رسیږي.

پښتین زیاتوي چې د لر او بر افغان وطن تکړه او پوهه خلک یو یو د دوښمن له لوري په نښه کیږي او وژل کیږي. د ملالې د شهادت د پېښې له کبله یې کورنۍ، دوستانو او ټولو ولسونو ته تسلیت وړاندې کوم او جمیل صبر ورته غواړم.

د افغانستان تکړه خبریاله او مدني فعاله او پخ ننګرهار کې د انعکاس خصوصي ټلوېزیون ویانده او د خپرونکو چلوونکې ملالۍ میوند نن سهار اووه بجې دفتر ته پر لاره د خپل موټر چلوونکي سره یو ځای د نا معلومو وسله والو له لوري په ډزو سره په شهادت ورسېدل.

شهیدې ملالۍ له ډېر وخت راهیسې ننګرهار ولایت کې ژورنالېستیک او ټولنیز فعالیتونه ترسره کول او د هېواد نورو ولایتونو ته هم د فعالیتونو په پار په سفرونو تللې وه او له دې لارې د خلکو او د افغانستان د ولسږنو رسا غږ وو.

د ملالې شهادت په کور دننه او بهر ګڼ غبرګونونه را پورته کړې، افغان خبریالان له حکومت غواړي چې د خبریالانو د ژوند مصؤنیت ته ډېر پام وکړي او د شهیدو شویو خبریالانو د کورنیو ژوند ته دې پام وکړي.

ملالۍ په ننګرهار کې د ښځینه خبریالانو لپاره د ډاډ غر او یوه تکیه ګاه وه، چې ټولې خبریالانې او فعالانې پر نوموړې ډاډه او را ټولې وې، خو اوس د ملالې په شهادت سره ټولې خبریالانې او فعالانې ځانونه په ملا ماتې بولي خو وایي چې د ملالې مبارزه او هیلې به دوی پوره کوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More