بلخ کې د قتل په تور دوه سړي او يوه ښځه نيول شوي.

خبريال وېب پاڼه: د بلخ ولایت پوليس وايې دوي په بلخ ولايت کې دوه سړي او يوه ښځه  د يو کس د وژلو په تور نيولي دي.

د بلخ ولايت امنيه قومندان وايې چې نيول شوو کسانو په مزارشريف ښار کې يو څلويښت کلن سړى د کورنیو جنجالونو له امله وژلى دى.

نيول شوو کسانو په خپل جرم اعتراف کړى او وايې دوي يوه مياشت مخکې د محمد نادر په نوم يو کس په مزارشريف ښار کې د چاقو په وسيله وژلى دى.

د بلخ ولايت امنيه قومندان معراج الدین سادات وايې؛ نيول شوي کسان اعتراف کوي چې د محمد نادر د وژلو لپاره يې شل زره افغانۍ ورکړي.

ښاغلى سادات وايې نيول شوي کسان هر يو حسين ٢٠، سهراب ١٦ کلن او شګوفه ٣٨ کاله عمر لري چې وژل شوي کس د شګوفي خاوند دى.

شګوفه وايې؛ خاوند يې سخت ظالم وه هر وخت به يې شګوفه وهله زه هم مجبوره شوم د خپل شپاړس کلن ځوى سهراب سره مې د غچ اخيستلو تصميم ونيو.

وروسته بيا سهراب د خپل ملګري حسين ته ٢٠ زره افغانۍ ورکوي ترڅو د پلار څخه يې د مور غچ واخلي او بلاخره حسين د چاقو په وسيله د سهراب پلار او د شګوفى خاوند وژنې.

حسين چې د مزار شریف ښار په سياه ګرد څلور لارې کې د سينګارتون دوکان لري وايې چې د ٢٠ زره افغانيو له جملې يې ٥ زره افغانۍ د سهراب څخه د هغى د پلار د وژلو په شپه ترلاسه کړي.

د بلخ ولايت اوسېدونکي وايې، هدفي وژنو، انسان تښتونې، غلا، او دى ته ورته جرمونو دوى سخت اندېښمن کړي دي او له امنيتي ادارو د امنيت غوښتونکي دى.

په هيواد کې د روانو حالاتو ترڅنګ هدفي وژنو،غلا، او انسان تښتونې زرو اخيستې چې هيوادوال ورته سخت اندېښمن دى او امنیتي ادارې د امنیت په تينګښت کې په ناغېړۍ تورنوي.

 

 

 

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More