سرپل کې بزګرانو ته د غنمو د اصلاح شویو تخمونو د وېش لړۍ پيل شوه

خبریال وېبپاڼه/ د کرهڼې او مالدارۍ وزارت وايي، په سرپل ولایت کې دوه زره او پنځه سوه بزګرانو ته د غنمو اصلاح شوي تخمونو او کیمیاوي سرې د وېش لړۍ پیل شوه.

یاد وزارت په یوه خبرپاڼه کې ویلي، دغه تخمونه د سرپل ښار مرکز او د دې ولایت د سانچارک او ګوسفندي ولسوالیو پر یو شمېر بزګرانو په وړیا توګه وېشل کېږي.

خبرپاڼه زیاتوي، د سرپل والي عبدالقادر اشنا له بزګرانو غوښتنه کړې، چې د کرهڼې ریاست د حرفه يي کارکوونو په سلا مشورو دې دغنمو اصلاح شوي تخمونه وکري؛ ترڅو ښه حاصلات تر لاسه کړي.

د خبرپاڼې په حواله، هغه ګواښ وکړ چې هیڅ بزګر ددې غنمو د پلور حق نه لري او که چېرې دا غنم خرڅیږي له پېرېدونکو او پلورونکو سره قانوني چلند کیږي.

بل خوا د سرپل ولایت د کرنې، اوبولګولو او مالدارۍ رییس محمدسلیم رنجبر وايي، دوی د “زوا” دفتر په همکارۍ له یوې دقیقې سروې وروسته د سرپل ښار مرکز او ددې ولایت د سانچارک او ګوسفندي ولسوالیو پر دوه زره او ۵۰۰ بزګرانو پنځوس ـ پنځوس کیلوګرامه د غنمو اصلاح شوي تخمونه او همدا راز پنځوس ـ پنځوس کیلوګرامه سپینه او توره سره وېشي.

هغه ویلي، چې ددې لړۍ تر بشپړېدو وروسته د سرپل د کرنې ریاست د مسلکي کارکوونکو له خوا به برخمن شوي بزګران د غنمو د تولید او پروسس په برخه کې وروزل شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More