کابل کې یو انسان‌تښتوونکی باالفعل ونیول شو

خبریال وېبپاڼه/ کورنیو چارو وزارت وايي، پولیسو د کابل ښار د څلورمې ناحیې په اړوند درېیم پروان سیمه کې نن سهار یو انسان‌تښتوونکی نیولی دی.

د یاد وزارت لخوا خپره شوې خبرپاڼه کې راغلي، نیول شوی کس رایف نومېږي، په تلخک مشهور دی او د یوه صراف د تښتونې هوډ یې درلود.

سرچینه زیاتوي، صراف ۱۳ لکه افغانۍ له ځان سره لېږدولې، چې څو پرلپسې ورځې د رایف نومي او دوه جرمي شریکانو تر څار لاندې و.

د سرچینې په خبره، یاد جنایت‌کار په ګڼو جنايي/ترورېستي قضیو کې لاس درلود او همدارنګه څه موده مخکې یې په زوراباد سیمه کې د پولیسو یو منسوب شهید کړی و، چې له هغې مهاله د پولیسو تر څار لاندې و.

خبرپاڼه کاږي، له نیول شوي کس څخه یو میل وسله هم ترلاسه شوې او دوه جرمي شریکان یې تر اوسه فراري دي چې د پولیسو تر جدي تعقیب لاندې دي.

په کابل کې د امنیتي تړون طرحې د تطبیق سربېره د جنايي پېښو او چاودنو کچه د پخوا په شان زیاته ده او هره ورځ هېوادوال وژل کېږي او ځورول کېږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum