بېړنی خبر؛ کابل کې چاودنې درې تنه شهیداو او پنځه نور ټپیان کړل

خبریال وېبپاڼه/ څو شېبې مخکې په کابل ښار کې موټر پورې د نښول شوي ماین چاودنې درې تنه شهیدان او پنځه نور ټپیان کړل.

سرچینو خبریال وېبپاڼې ته وویل، چې پېښه د کابل ښار په شپږمه ناحیه کې رامنځته شوې.

د پېښې د قربانیانو هویت تر اوسه معلوم نه دی او نه د پېښې مسوولیت تر اوسه کومې ډلې منلی دی.

کورنیو چارو وزارت تر اوسه په دې اړه څه نه دي ویلي.

ناکامه امنیتي طرحه

حکومت د روان کال په سرطان میاشت کې د امنیتي تړون یا میثاق امنیتي په نوم د کابل ښار د امنیت د ټینګښت طرحه اعلان کړه.

د دې طرحې اساسي موخه د جنايي جرمونو او ترهګریزو بریدونو د مخنیوي لپاره د خلکو او حکومت ترمنځ د ګډې همکارۍ فضا رامنځته کول وو.

د یادې طرحې د چارو له پیل وروسته د ولسمشر غني لخوا د کابل ښار د عامه نظم او امن د تامین مسوولیت لومړي مرستیال امرالله صالح ته وسپال شو.

که څه هم ښاغلي صالح ویلي چې د امنیتي تړون طرحې د تطبیق په مرسته په کابل کې د جرمونو او ترهګریزو بریدونو کچه راټیټه شوې، خو خلک د دولتي ځواکونو پر ناغېړۍ او د دغه پروګرام پر ناکامۍ سخته نیوکه کوي.

 کابل مېشتي د کابل امنیتي طرحه ناکامه ګڼي او امنیتي بنسټونه د خلکو د ځان د امنیت په ټینګښت کې په بې پروایۍ تورن وي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More