جاسیندا آردرن؛ ګاونډیانو ته د کورونا ویروس واکسين وړيا ورکوو

جاسیندا آردرن؛ ګاونډیانو ته د کورونا ویروس واکسين وړيا ورکوو

خبريال وېبپاڼه/ د نوي زيلاند صدراعظمه جاسیندا آردرن وايي چې د هېواد ټول خلک به يې په وړيا ډول د کورونا واکسين ترلاسه کړي، مېرمن جاسيندا نن په یوه غونډه کې وويل چې هېواد یې اماده دی آن خپلو ګاونډيو هېوادونو ته هم په وړيا ډول د کورونا واکسين ورکړي.

د کورونا ويروس د واکسين په هکله د نوي زيلاند دا ښه نیت په داسې حال کې د نړيوالو د تاوده هرکلي سره مخ کېږي چې ددې هېواد ګاونډي هېوادونه ددې واکسين د ترلاسه کولو لپاره کافي مالي امکانات په لاس کې نلري.

خو د نوي زيلاند صدراعظمې نن دوی ته ښه خبر ورکړ او ویې ویل چې د پسيفيک ګاونډيانو ته په وړيا ډول د کورونا ویروس واکسین ورکړي.

د کورونا ويروس واکسين تراوسه پورې ډېر محدود شمیر هیوادونو ته رسېدلی دی، تراوسه يوازې په روسيه کې په چټک ډول د خلکو واکسین کول پيل شوي دي نور هېوادونه د تيارسۍ په حال کې دي، ډیپوګانې او زېرمې ډکوي د خلکو د واکسین کولو لپاره تاسيسات او لیستونه بشپړوي.

د کورونا ويروس واکسين تراوسه د بېوتېک فايزر، مودرنا، اکسفورډ او روسي سپوتنيک وې له لوري جوړ شوی دی، که څه هم يوه چينائي شرکت هم د کورونا ويروس واکسين جوړ کړی دی خو نړيوالو ته د باور وړ نه ښکاري او یوازې ترکيې تراوسه د چين څخه د واکسین د اخيستلو لپاره زړه ښه کړی دی.

په نړۍ کې تراوسه د بيوتیک او مودرنا واکسينونه مخکې شمېرل کېږي او تر ډېره هېوادونه او حکومتونه دو دوو واکسينونه ته جواز ورکوي.

ژمی او واکسين
د نوي زيلاند په شمول ځينې هېوادونه په داسې حال کې د چټک واکسين خبره کوي چې د ژمي په رارسېدو سره په ځینو هېوادونو کې د کورونا ويروس دوهمه او په ځینو کې دريمه څپه پيل شوې ده.

په ډېری اروپايي هیوادونو کې د کورونا ويروس دريمه څپه پيل ده او بعضې هیوادونو پکې بيا سخت کرنټین او ګرځبندیز ته مخه کړې، اټکلونه او وړاندوینې دادي چې په ژمي کې د کورونا ويروس انتقال او ژوندي پاتې کېدو موده زياته وي او له همدې کبله به هم په ناروغانو او هم په مړيو کې زياتوالی رامنځته شي.

پوهان وايي د کورونا ويروس څخه د تل لپاره د ژغورنې لار واکسين دی که څه هم چين بدون له واکسين څخه دې ويروس ته ماتې ورکړه او په ټوله نړۍ کې د چين غوندې د يو سيستم د عملي کولو د سخت والي له کبله به دا چاره په نوره نړۍ کې عملي کول ګران وي.

د يادونې وړ ده چې په نوي زيلاند کې حکومت د اقتصادي ستونزو د زياتېدو له وجې تصميم نيولی دی کې دری کاله به د سياسیونو معاش په هېڅ ډول نه لوړېږي، په دې کې د‌ حکومت مشره جاسیندا آردرن، د کابینې وزیران د ولسي جرګې وکيلان او ځينې نور لوړ پوړي دولتي چارواکي راځي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More