لطف الله مشعل وايي حنيف اتمر ګواښلی دی

خبريال وېبپاڼه/ تېره ورځ د لغمان ولايت پخواني والي لطف الله مشعل د بهرنيو چارو د وزير حنیف اتمر ځينې کړنې تنقيد کړې او هغه يې د وطن په خير ونه بللې، څو ورځې وړاندې د حنیف اتمر د قوله د ارمان ملي ورځپاڼې پخپله ګڼه کې وليکل چې افغانستان د لږکيو هېواد دی، که څه هم وروسته نوموړې ورځپاڼې بخښنه وغوښته چې د خبر اصل ورڅخه سهوه شوی دی خو ددې بخښنې وړاندې لطف الله مشعل يو ټويټ وکړ چې په هغه کې يې د اتمر له لوري دا ډول خبرې د قومي نفاق د رامنځته کېدو سبب بللې وې.

لطف الله مشعل د حنيف اتمر په هکله دا تنقيد هم وکړ چې هغه د پاکستان سره د ډيورنډ په کرښه باندې رسمي توافق کړی دی او اوس يې بيا په هېواد کې دننه نفاق ته ملا تړلې ده.

د اتمر ګواښونه
وروسته له دې چې لطف الله مشعل په حنیف اتمر باندې دا نیوکې وکړې نو ښکاري داسې چې د اتمر د شاوخوا کړۍ او اتمر ته یې خوند نه دی ورکړی.

مشعل پرون پخپل ټوټير کې وليکل چې د پرونۍ نیوکې له امله د حنيف اتمر له لوري وګواښل شو، مشعل ليکلي دي چې د حنیف اتمر دستيار قادر شاه ورته تلیفون وکړ او ورته ویې ويل چې پرون یې د حنيف اتمر په هکله څه ليکلي نو هغه دې ژر تر ژره پاک کړي، مشعل زياتوي چې د حنيف اتمر دستيار‌ دا ګوتڅنډنه هم ورته وکړه چې اتمر صيب تر اوسه ستا ټويټونه نه دي ليدلي که يې وويني نو خبره به بيا ډېره خرابه شي.

د بيان په ازادۍ د اتمر حمله
د حنيف اتمر لخوا يو افغان په داسې حال کې ګواښل کېږي چې پخوا د همدې حکومت او اقتدار يو لوړ پوړی چارواکی و، د حکومت چارواکي اوس دومره زغم نلري چې يو څوک ورباندې دوه کرښې نيوکه وکړي، اتمر ددې په ځای چې د نيوکو ځواب وکړي او ملت ته حساب ورکړي بېرته د ملت غړي او افغانان ګواښي.

د حکومت يو لوړ پوړی چارواکی په داسې حال کې د افغانانو د خولې د بندولو هڅه کوي چې حکومت شپه او ورځ په رسنیو او غونډو کې دا ډول وهي چې دوی افغانستان کې د بيان ازادي رامنځته کړې ده، حکومت د يوې خوا د یوه افغان یوه نیوکه نشي زغملی او د بل خوا د بیان د ازادۍ دعوه کوي.

تور سړی اتمر
لطف الله مشعل یوازنی کس نه دی چې د اتمر په کردار او تياره شخصيت باندې نيوکه کوي بلکې ګڼ افغانان دي چې د حنيف اتمر څخه د حساب غوښتلو هيله لري.

حنيف اتمر په ۲۰۱۴ م کال کې د پاکستان د استخباراتي ادارې سره هغه تړون لاسليک کړ چې په واسطه یې د ای ایس ای مامورینو ته اجازه ورکړل شوه چې د افغانستان په زندانونو کې د بنديانو څخه تحقیقات وکړي، د هغه وخت د ملي امنیت ريس رحمت الله نبیل ددې توافقنامې د لاسليک څخه انکار وکړ او له دندې یې لاس واخيست خو حنیف دا توافقنامه لاسليک کړه.

د حنيف اتمر په هکله پوښتنې او نيوکې زياتې دي، اتمر په تېرو ټاکنو کې د ټلوالې په غېږ کې ځان واچاوه او د هغوی د یو کاندید په حيث راڅرګند شو، اتمر د ټلوالې سره ان دا منلې وه چې د افغانستان رياستي نظام به پارلماني نظام ته واړوي، دا صرف ددې لپاره چې کېدی شي د ټلوالې په مټ دی يو سمبوليک ولسمشر شي.

دا چې د چوکۍ لپاره د قدرت لپاره د اتمر دا حرص هر سړی ګوري ورباندې نيوکه کوي خو اتمر صيب هم آرام نه کېني او په یوه ټويټ سره سمدلاسه خلک ګواښي.