د پاکستان اطاعت د طالبانو مجبوریت نه انتخاب دی

د پاکستان اطاعت د طالبانو مجبوریت نه انتخاب دی

خبريال وېبپاڼه/ په افغانستان کې ډېری محافظه کاره خلک چې د ذهن ديني اړخ يې غښتلی دی د پاکستان سره د طالبانو اړيکې يو مجبوریت بولي، که دا ډول خلک ډېر نه وي نو د پام وړ حتماً دي، په دې ډله خلکو کې معقول هم خلک هم موندل کېږي، دوی وايي چې طالبان د مجبوریت څخه پاکستان ته پناه وړي، دا اوس يې چې ځینې خبرې مني هم د مجبوريت څخه دي.

خو دې خلکو که د ملا برادر خبرې اوریدلي وي چې تازه يې په پاکستان کې وکړې نو اوس بايد پوه وي چې د پاکستان اطاعت د طالبانو د مجبوریت څخه ډېر يو انتخاب دی.

صرف د پاکستان لپاره هوښیار دي
دا دنيا په سرتمبه ګۍ په مخ نه ځي، انسان په طبعي ډول همداسې خلق شوی دی، انسان، ټولنه، ملت او دولت مجبور دي د شرايطو مطابق رفتار وکړي ځينې وخت دداسې شيانو څخه هم تېر شي چې په اصل کې یې زړه نه وي.

دا مصلحت ددې لپاره کېږي چې د ځينو پېښو څخه سړی په لږ زيان سره ووځي، که نه که يو کس په زورور موقعیت کې وي بيا ډېر د مصلحت اړتيا نلري.

طالبانو که د افغانستان په سياست کې د حالاتو په وړاندې د پېښو په وړاندې د مصلحت، تعقل او تدبر څخه کار اخیستی وی نن به دا د فاجعې ډک شل کاله په افغانانو او افغانستان نه تېرېدل، خو بس دوی د افغانانو لپاره سرې غومبسې دي او افغانان چيچي، نه د افغانستان د ملي شتمنيو نه د افغانانو د ژوند په هکله د مصلحت، تعقل او احتياط څخه کار اخلي خو هو د پاکستان سره د اړيکو لپاره بيا د مصلحت او احتياط څخه کار اخلي.

که دوی د افغانانو په وړاندې له دې مصلحت څخه کار اخیستی وی نن به د پاکستان په غېږ کې نه و پراته، نن به يې دا حال نه و چې د پاکستان زړه شي په ميدان يې بربنډ ودروي چې ګټې يې ایجاب کړي بيا لاس په نامه ښه راغلاست ورته وايي.

نن ددوی د سرتمبه ګۍ له لاسه نه افغانان يو ارام ژوند لري نه يې څوک په سیالو ملتونو کې حسابوي زموږ هويت زموږ شناخت يې سپک کړ.

د طالبانو مشر ملا محمد عمر چې اسامه امريکا ته نه ورکاوه نو ورڅخه روایت شوې يوه کيسه کې ويل کېږي چې ده ويل چې ما خپله پادشاهي د اسامه قربان کړه، نو د ملا عمر څخه دا پوښتنه اوس کېږی چې د افغانستان، دا خلک، دا د هېواد ملي شتمني تا د کوم ځای څخه راوړې وه، دا ټول ستا بندګان و چې تا قرباني کول.

طالبانو د يو غیرت په خبره په یوه ضد، په يوه ځان ښکاره کولو او په دا ډول اس ځغلولو افغانستان د اشغال د وحشت د فساد کندې ته واچاوه او اوس یې تور هم په نورو لګوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More