په کابل ښار کې عملیات شوي دي.

خبریال وېب پاڼه: امنيتي ځواکونو د کابل ښار يوولسمي امنيتي حوزي اړوند په خيرخانه سيمه کې د يو لړ عملياتو په ترڅ کې ۳۷۰۰ کورونه بررسي کړل او ځيني مشکوک کسان يې ونيول.

د خيرخاني سيمې اوسېدونکي وايې، دغه عمليات د شنبي سهار مهال په دري بجو شروع شول او د يکشنبي ماښام مهال پوري يې دوام وکړ.

د يوولسمي امنيتي حوزي اړوند د عبدالوسيم په نوم يو تن اوسېدونکی وايې، امنيتي ځواکونو بغير له دي چې اجازه واخلي د کورونو دروازي به يې خلاصولي موږ به ورخطا شو چې چا دروازه خلاصه کړه! خو د امنيتي ځواکونو په ننوتو سره به پوهيدو چې دوي امنيتي ځواکونه دي او د سر نه تر پښو به يې تالاشي اخيسته همدارنګه کورونه به يې هم په بشپړ ډول پلټل.

د يوولسمي امنيتي حوزي اړوند د ضمير په نوم يو بل تن اوسېدونکی وايې، سهار مهال يې لومړی څوک نه پريښودل چې دندی ته ولاړ شي دلته څو کورونه مشکوک د څلور لاري يې ۷ تنه مشکوک کسان ونيول او تورې کڅوړي يې سر ته ور واچولي.

امنيتي ځواکونه وايې، دغه عمليات د خیرخاني اړوند په ۳۱۵، پنج صد فاميلي، نوی پروژي سيمو کې ترسره شوي چې د شپي مهال يې د ځانمرګو بريدونو تراح نيولی او د يوولس بجو شاوخوا کې د ملي امنيت ځواکونو د ۳۱۵ سيمه کې ۶ تنه نور مشکوک کسان هم نيولي دي.

د کورنيو چارو وزارت وياند طارق ارين وايې، په پلان کې لرو چې دغه ډول عملياتو ته د استخبارتي معلوماتو په اساس د کابل په ځينو نورو برخو چې خلک د ناارامۍ احساس کوي دوام ورکړو ترڅو يوه امنه فضا رامنځته کړو.

په ورته مهال کې د ولسمشر لومړی مرستيال امرالله صالح وايې، د خيرخاني سيمه کې نيول شوي کسان هغه څوک دي چې د مخکينيو نيول شوي کسانو د پلټنو وروسته نيول شوي دي چې زياتره يې انسان تښتوونکي او قاتلين دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More