له حکومت څخه د خبريالانو ۵ مشخصې غوښتنې

خبريال وېبپاڼه/ په افغانستان کې د خبريالانو د مرګونې څپې په غبرګون کې د کابل پريس کلب او د افغانستان د ژورناليستانو ددفاعي کمېټې په غوښتنه د درۍ ورځني بایکاټ وروسته اوس دغه بنسټونو د خبريالانو د خوندي کولو او ساتلو لپاره څو مهمې او مشخصې غوښتنې کړې دي.

لومړۍ غوښتنه ددې بنسټونو له لوري داده چې د نا امنو سيمو څخه دې خبريالان داسې سيمو ته ولېږل شي چې هلته امن وي، ياد بنسټونه وړانديز کوي چې حکومت دې د خبريالانو لپاره په امن سيمه کې د ځای او نور بودباش مصرف هم ورکړي، وروسته دې ددوی سيمې تصفیه کړي او امنیت دې پکې قايم کړي، له هغه وروسته دې خبريالانو ته بېرته خپلو سيمو ته د تګ واک ورکړل شي.

دوهمه غوښتنه د کابل پريس کلب له لوري په خپره شوې اعلامیه کې داده چې د یاد پلاوي يوه ډله د ټولو خبريالانو په استازيتوب سره دوحې ته ولاړه شي او هلته د طالبانو څخه د خبريالانو د وژنو په هکله سپيناوی وغواړي، ياد بنسټونه وايي چې حکومت دې ددوی پلاوي ته داسې شواهد په لاس ورکړي چې ثبوت کړي چې د خبريالانو په وژنو کې طالبان لاس لري.

ياد بنسټونه د افغانستان د حکومت څخه غواړي ترڅو ددوی يوې ډلې ته دا زمينه مساعده کړي چې دوحې ته ولاړه شي او پورته مسايل له طالبانو وپوښتي.

دا دوه بنسټونه د افغان حکومت څخه غواړي چې په معتبرو نړيوالو سازمانونو کې د هغه ډلو څخه شکایت وکړي چې خبريالان وژني، افغان حکومت دې د نړيوالو بنسټونو او سازمانونو سره په ځانګړي ډول د هغوی سره يې چې د خبريالانو او بشري حقوقو په ملاتړ فعاليت کوي هغه ثبتونه هم شريک کړي چې په خبريالانو په شويو حملو کې د وسله والو ډلو لاس ثابتوي، ترڅو نړيوال سازمانونه هم په مستقيم ډول په دې ډلو فشار زیات کړي.

په څلورمه غوښتنه کې بيا د خبريالانو د قاتلينو د علني محکمې غوښتنه مطرح شوې ده، دې بنسټونو د افغان حکومت څخه غوښتي چې لکه د کابل پوهنتون د بریدګر محکمه همدا ډول دې د خبريالانو د قاتلینو محکمه او حکم هم په علني ډول وشي.

کابل پريس کلب پخپله پينځمه غوښتنه کې وايي چې حکومت باید د خبريالانو د وژنې مسله د عمومي تروريزم له کټګورۍ څخه وباسي او دا وژنې جلا وڅېړي، اوس په عمومي تروريزم کې ددې ډول پېښو څېړل د يوې خوا ددې سبب کېږي چې د خبريالانو دوسيې ډېرې ناوخته وڅیړل شي او زيات وخت ونيسي او د بلې خوا د پېښو د عواملو په هکله دقيق معلومات د خبريالانو د کورنیو، د رسنیو او نورو بنسټونو سره نه شريک کېږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum