د مبارزې پرته د نلسن منډیلا ستره علاقه د څه شي سره وه؟

خبريال وېبپاڼه/ نلسن منډیلا د جنوبي افريقا د تور پوستانو يو ستر مبارز و، که څه هم نن هغه نړۍ د بشري حقوقو، د نژا پرستۍ په ضد د مبارزې د یو اتل په توګه پېژني خو لنډ وخت مخکې نړۍ د هغه په هکله دا قناعت نه درلود.

نلسن مندیلا د امريکا د حکومت د تروريستانو په لیست کې و، هغه په ۲۰۰۸ م کال کې په کامل ډول ددې لېست څخه بهر شو.

نلسن مندیلا په جنوبي افريقا کې د سپين پوستو د ظلمونو په وړاندې لومړی په سوله یز ډول مبارزه پيل کړ خو کله چې ورباندې حکومت دايره ډیره راتنګه کړه نو د خپلې مبارزې په يوه پراخه دوره کې یې وسله والې مبارزې ته هم لاس واچوه.

په جنوبي افريقا کې د سپين پوستو په وړاندې داسې يو تبعيض روان و چې فکر یې هم کول ګران دي، په دې هېواد کې په داسې حال کې چې تور پوستي اکثريت و خو بيا هم دوی د سپين پوستو له لوري د سخت تبعيض سره مخ و.

د تور پوستانو سیمې د سپين پوستو څخه بېلې وې، دوی نشوی کولی په یوه سيمه کې ژوند وکړي، هېڅ تورپوستي دا اجازه نه درلوده چې په لویو ښارونو کې چېرته چې سپين پوستي مېشت و بدون له اجازې تګ راتګ کړي، ټول تور پوستان مجبور و د لږ اوږده سفر لپاره د سفر اجازه واخلي.

نلسن مندیلا ددې تبعيض په وړاندې یوه داسې مبارزه وکړه چې ټوله نړۍ یې ځانته حيرانه کړه، هغه د خپلې مبارزې په دوره کې د شدت خلاف و، خو بلاخره ددې هېواد حکومت هغه ته بله لاره پرېنښوده او مجبور یې کړ چې وسلې ته لاس کړي.

منډیلا نه یوازې چې يو مبارز و بلکې هغه يو ډېر متنوع شخصيت درلود، ډېر بیلابیل عادتونه يې درلودل، هغه يو ډېر ښه بوکسر و چې په دې ځانګړنه هم په نړۍ کې زيات مشهور دی، د خپلې مبارزې په دوره کې دی هر ډول برخورد ته تيار و او هر سهار به یې خپل سپورټ کاوه.

منډیلا يو ښه بوکسر و خو هغه په دې برخه کې شدت نه خوښاوه او نه هم د هغه مبارزو ملاتړی و چې شدت به پکې حتمي و، منډيلا د بوکس وهنې له جالبو تخنیکونو سره ډېره مينه درلوده.

منډیلا پخپل ژوند کې دوه ځله واده وکړ چې د يوې څخه يې خپلې لارې زر بېلې کړې خو د دوهمې ميرمنې سره يې بيا تر پايه ملګرتيا وکړه.

 

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More