د هېوا تر ټولو لوی هوایي ډګر په لوګر کې جوړیږي

خبریال وېب پاڼه/ د افغانستان ملکي هوایي چلند اداره وایي د دوه میلیارد ډالرو په ارزښت د افغانستان تر ټولو لوی هوایي ډګر د جوړېدو لپاره د امکان سنجونې پړاونه بشپړ شوي.

د افغانستان ملکي هوایي چلندې ادارې مشر قاسم وفا زاده له بي بي سي فارسي سره په خبرو کې ویلي چې دا هوایي ډګر د دوه میلیارد اټکل شویو ډالرو په ارزښت به د لوګر محمد آغې ولسوالۍ کې جوړ شي.

 

نوموړي ویلي هوایي ډګر د افغان حکومت له خوا جوړیږي او د نړیوال هوایي ډګر په توګه به له ټولو اړینو اسانتیاوو سره جوړ شي، د نړیوالو مسافرینو ترمینل به هم په کې شامل وي او د کال بع لږ تر لږه د لس میلیونو مسافرینو ظرفیت ولري. او تر 2035 کال پورې به یې د جوړېدو چارې بشپړې شي.

وفا زاده ویلي د هوایي ډګر جوړېدل به د سیمه اییزو اتصال، صادراتو ودې او د افغانستان اقتصادي ودې کې د اهمیت وړ رول ولري.

د ملکي هوایي چلند اداره وایي دا مهال د افغانستان د لوی “کابل هوایي ډګر” چې په ښار کې نه دی د پراخېدو امکانات یې نشته.

دا مهال افغانستان 64 لوی او واړه هوایي ډګرونه لري چې له جملې یې څلور نړیوال دي او 12 12هوایي ډګرونه د سیمه ایزو او محلي هوایي ډګرونو په کچه دي.

د افغانستان ملکي هوایي چلند اداره وایي د هېواد ټول هوایي ډګرونه ترمیم ته اړتیا لري خو لومړیتوب د کابل، مزار شریف، کندهار او هرات هوایي ډګرونه دي چې د دې ډګرونو پراختیا او تجهیر لومړیتوبونه دي.

د افغانستان د ملکي هوایي چلند ادارې د بي بي سي فارسي سره په ځانګړې مرکه کې ویلي چې د افغانستان هوایي چلند سکټور تر اوسه خپل پوره ظرفیت ته نه دی رسېدلی په داسې حال کې چې افغانستان کولی شي ختیځه اسیا له اروپا او منځني ختیځ سره د یوه مناسبې ټرانزیټي لارې په توګه ونښلي.

افغانستان اوس مهال 52 هېوادونو سره د هوایي دهلېزونو له لارې نښلول شوی چې د وفا زاده په وینا د هېواد د صادراتو 50 سلنه برخه جوړوي.

د لوګر محمد آغې ولسوالۍ هوایي ډګر جوړېدل د پخواني ولسمشر داوود خان په وخت کې پلان شوی وو خو د کورنیو ستونزو او کشمکشونو له کبله دې وخت ته پاتې شو.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More