د م امنیت ريس د پاکستان بار د افغانستان په اوږو واچاوه

خبريال ویبپاڼه- څو ورځې وړاندې په کابل کې د څو هېوادونو د ملي امنیت د مشرانو ګډه غونډه جوړه شوې، له غونډې وروسته د هېواد د ملي امنيت مشر احمد ضيا سراج يو لړ څرګندونې وکړې چې د چارو د شنونکو له لوري مشکوکې څرګندونې وبلل شوې.

سراج پخپلو څرګندونو کې وویل چې په افغانستان کې شاوخوا لس زره بهرنۍ اورپکې موجودې دي چې د افغانستان ترڅنګ د سیمې او نړۍ هېوادونو ته هم لوی خطر دی.

په افغانستان کې د څو هېوادونو د ملي امنیت د مشرانو د غونډې وروسته د سراج له لوري افغانستان نورو هېوادونو د تهديد يو ډک هېواد معرفي کول د شنونکو له سختو نيوکو سره مخ شوي دي.

د حالاتو څارونکي وايي دوه لسیزې کېږي چې افغانان دا هڅه کوي چې په نړۍ کې د پاکستان اصليت ثابت کړي کې دا هېواد د هر ډول تروريستانو دروزولو او شتون ځای دی خو اوس د ملي امنیت له لوري دا ډول څرګندونې په دې مانا راتلی شي چې افغانستان ان د پاکستان څخه هم د ترهګرو لوی پناه ځای دی.

شننونکي وايي د افغان حکومت مشران په دې هڅه کې دي چې نړيوال په یو ډول نه یو ډول دې ته قانع کړي چې د افغانستان څخه خپل نظامي ځواکونه ونه باسي، د شنونکو په خبره چې حکومتي چارواکو ددې موخې لپاره له هېڅ ډول ناسمې پرېکړې او کار مخ نه دی اړولی‌.

د پوهانو په خبره چې حکومت بايد د بهرنیو ځواکونو د پاتې کیدو لپاره داسې مسلو ته لاس وانچوي چې هغه د افغانستان د نړيوالې ادعا البته ثبوت شوې ادعا خلاف وي، افغانستان لسیزې کېږي نړیوال په دې پوهول غواړي او پوهوي چې هر ډول تروریستي ډلې د پاکستان دننه روزل کېږي وسلې او چاودېدونکي مواد ورکول کیږي او وروسته افغانستان ته رالېږل کېږي.

خو د افغانستان د ملي امنيت ريس اوس دا څرګندونې کوي چې ورڅخه ډېر ناسم برداشت کېدی سي، ددې په ځاي په کار ده بهرنيانو ته د معقولي لارو دا قناعت ورکړل شي چې د افغانستان څخه په مسوولانه ډول ووځي.

 

ليکوال؛ تاج محمد ارين

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More