چين د امريکايي ډيپلوماټانو څخه بې باکه کورونا ټېسټ غوښتی دی

خبريال ویبپاڼه- د امريکا حکومت د چينايی چارواکو له لوري د خپلو ديپلوماتانو غیرې انساني کويډ ۱۹ ازموينه غندلې ده، د امريکايي رسنيو د راپورونو له مخې د چين حکومت د څو امريکايي ډيپلوماټانو د کورونا ويروس ازموينه د معقد له لارې ترسره کړې ده.

د امريکا د بهرنيو چارو د وزرات له لوري د چين په دې کار باندې رسمي اعتراض وشو، د امريکا د بهرنيو چارو وزارت وروسته په یوه خبرپاڼه کې وويل چې د چين حکومتي چارواکو دوي ته ويلي دي چې دا چاره به دوام ونکړي او د کومو کسانو چې دا ډول ازموينه هم شوې ده په غلطۍ باندې شوې.

ددې ډول ازموینې په هکله لومړی امريکايي اخبار واشنګټن پوسټ خبر ورکړ چې وروسته بيا د امريکا د بهرنيو چارو وزارت دا تایيد کړه چې د چينايي چارواکو له لوري ددوی د ډيپلوماتانو څخه په دې ډول د کورونا ويروس ازموينه اخيستل شوې ده، خو د بهرنيو چارو وزارت پخپله خبرپاڼه کې زيات کړي و چې چين نور له دې ډول ازموینې په شاه شوي دی.

د رسنیو د راپورونو له مخې ډېری امریکایي ډیپلوماټانو د چين د حکومت ددې ډول يوې ازموينې مخالفت کړی و او وروسته د اعتراض په شکل ددې هېواد بهرنیو چارو وزرات ته ورغلي و.

د چين د حکومت د بهرنیو چارو له وزارت څخه بيا يوې سرچينې دا خبر رد کړی دی او ويلي يې دي چې د چين حکومت د هېڅ کوم امريکايي ډيپلوماټ نه دا ډول کومه ازموينه نه ده غوښتې.

دا لومړی ځل دی چې په چين کې د کورونا ويروس ټېسټ يا ازموینه ددې ډول لارې او طريقې څخه غوښتل کېږي په نوره نړۍ کې د کورونا ويروس عمومي ټېسټ د خولې لارو له لارې ترسره کېږي.

صرف په چين کې ددې ډول يو ټېسټ يا آزموینې خبر ورکړل شوی و خو پخپله د چين حکومت دا ډول ټېسټ کول ردوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More