پاکستان به د ترهګرو له ملاتړ څخه لاس واخلي؟

خبريال وېبپاڼه: د پيسو مينځلو د څار يوه نړيوال بنسټ ته وخت ورکړی ترڅو د ترهګرو د مالي او هر ډول ملاتړ لاس واخلي.

د پيسو د مينځلو د څار دغه نړيوال بنسټ پاکستان ته چې د ترهګرو يو له لويو مالي ملاتړ کوونکو هيوادونو څخه دی د روان زيږديز کال جون تر مياشت يې وخت ورکړی ترڅو د ترهګرو د مالي ملاتړ څخه لاس واخلي.

پيسو مينځلو د څار دغه نړيوال بنسټ د مالي اقدامونو ځانګړې ډلې (FATF) اعلان کړی چې پاکستان د هغه ۲۷ سپارښتنو له جملي څخه په ۲۴ کې يو اندازه پرمختګ کړی چې دوې ورته د ترهګرو د نوملړ څخه د وتلو لپاره ټاکلي دي.

دغه ځانګړې ډله چې د فرانسې په پاريس کې ميشت ده د درې ورځينۍ انلاين غونډې په پای کې ويلي، ( چې پاکستان بايد درې پاتې سپارښتني عملي او کمی پکې له منځه يوسي).

د مالي اقدام دغې ځانګړې ډلې پاکستان په ۲۰۱۸ز کال کې د پيسو مينځلو د نه کنټرول او د ترهګرو د ملاتړ له کبله پاکستان په خړ ليست کې شامل کړو.

په خړ ليست کې د پاکستان د شامليدو سره پاکستان کې بهرنۍ پانګونه او سوداګري سخته زيانمنه کړي ده.

د پيسو مينځلو نړيوال بنسټ د اعلان وروسته پاکستان ويلي، چې د دغه بنسټ ټولو ژمنو عملي کولو ته ژمن دی.

پاکستان د ترهګرو د ملاتړ څخه د لاس اخيستو په اړه د نړيوالو سره ډيري ژمني کړي.

خو، خپله يوه ژمنه يې هم نه ده پوره کړي، ځکه همدا ترهګر دي چې پاکستان يې په سيمه او نړۍ کې د خپلو موخو لپاره کاروي.

بلخوا پاکستان د ترهګرو د ملاتړ لپاره د نړيوالو څخه په يوه او بله بهانه ميلياردونه ډالر پور اخلي چې همدا پور اخيستل به پاکستان په راتلوونکي کې د لوې اقتصادي بحران سره مخ کړي.

او هم پاکستان د ترهګرو لپاره د نړۍ په سطحه يو خوندي پټنځای هم دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More