کرونا, افغانستان او نړۍ ته یې اقتصادي ناورین

خبریال وېب پاڼه/ نړیوال بانک ټینګار کوي، اسیايي هېوادونه باید د کرونا ویروس د مهار لپاره هڅې وکړي او بېړنی وضعیت کنټرول کړي.

په نړۍ کې د کرونا ویروس باندې اخته کسانو زیاتوالي سره بیا د دې ویروس له امله اقتصادي اغېز په اړه نړیوال بانک د اسیايي هېوادونو له دولتونو څخه غواړي چې د کرونا ویروس د مهار له پاره او په خپلو هېوادونو کې د بیړني وضعیت د کنټرول له پاره خپلې هڅې کړندی کړي.

دې بانک په خپل راپور کې همدارنګه وړاندوینه کړې ده چې شونې ده د افغانستان په ګډون اته اسیايي هېوادونو کې د کرونا له امله اقتصادي ناورین، اقتصادي فعالیتونه، سوداګرۍ او په بانکي او مالي سکتوورنو کې ډير استرس رامنځ ته شي.

د نړیوال بانک په خبره که چېرې دا وضعیت همداسې دوام پيدا کړي نړویوال اقتصاد او په ځانګړې توګه اسیايي هېوادونه د څلوېښت کلونو نه به په بد وضعیت کې واوسي.

له دې سره بیا نړیوال بانک له هېوادونو څخه غواړي چې د ښاریانو د خوندیتوب په ځانګړې توګه زیان لیدونکو ښاریانو له پاره هڅې ونه سپموي او د اقتصادي ګټورتیا پړاو په پام کې ونیسي.

دا راپور همدارنګه آټکل کوي چې ٢٠٢٠ز کال کې شونې ده د سیمه اییز پراخوالی له ١,٨ نه تر ٢,٨ پورې سقوط سره مخ شي او له شپږ میاشتنۍ وړاندوینې څخه ډېر دی.

له دې سره بیا افغانستان سره د اروپايي ټولنې ١١٧ میلیونه یورویي مرسته.

اروپا ټولنه وايي دا پيسې به د روغیتايي سیستم د پياوړتیا، را ستانه شويو کډوالو او د کرونا ویروس عامه پوهاوي په برخه کې مصرف کیږي.

بل خوا بیا هند ویلي دي چې د افغانستان دولت په غوښتنې سره شونې ده چې پنځه زره ټنه غنم دې هېواد ته صادر کړي.

د کرنې او مالدارۍ وزارت وايي چې اوس مهال څلور ویشت زره مټریکه ټنه غنم زیرمتونونو کې لري چې د اړتیا په وخت کې به ووېشل شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More