fbpx

د سپورتي توکو توليدوونکې کمپنۍ (ډي ايس سي) حضرت الله ځاځی سپانسر کړ

افغان بريدګر توپوهونکي حضرت الله ځاځي د سپورتي توکو توليدوونکې کمپنۍ سره تړون وکړ، د تړون له مخې به ياده کمپنۍ تر يو کال پورې حضرت الله ځاځي ته د کرکټ اړوند هر ډول توکي په وړيا ډول ورکوي.
همدا شان ياده کمپنۍ به هر کال د نورو توکو تر څنګ (۷) معياري بېټونه هم حضرت الله ځاځي ته ورکوي او تر څنګ به يې د هرې سيالۍ پر سر ټاکلې اندازه پيسې ورکوي.
حضرت الله ځاځی به د يادې کمپنۍ پرته د بلې کمپنۍ توکي نه کاروي او يوازې د (DSC) توکي به کاروي.
د سپورتي توکو توليدوونکې کمپنۍ په نړيوالو سيالیو کې لوبغاړي په نښه کوي او پر هغوی خپل توکي کاروي، تر څو لوبغاړي ته مالي ګټه ورسېږي او کمپنۍ ته يې اعلاناتي.
حضرت الله ځاځي تر دې وړاندې له هېڅ کمپنۍ سره تړون نه درلود، خو په دې وروستيو کې د زيات شهرت ترلاسه کولو له امله ورسره د (DSC) کمپنۍ تړون لاسليک کړ.