مخالف ګوندونه: د عمران خان د باور رايه نه منو،

خبريال وېبپاڼه: په پاکستان کې د عمران خان د حکومت مخالف ګوندونه يوځل بيا د عمران خان د استعفا غوښتوونکي شو.

د پاکستان د لومړې وزير عمران خان د حکومت لومړۍ ورځې څخه مخالف ګوندونه د هغه په مخالف بغاوت کوي او وايې چې د عمران حکومت ورته د منلو وړ نه دی.

د مخالف ګوندونو مشران وايې، د پارلمان څخه د عمران خان د باور رايه ورته د منلو وړ نه ده او بايد چې عمران خان استعفا وکړي.

عمران خان د تيرې شنبې ورځ د پاکستان پارلمان څخه ۱۸۷ د باور رايه واخيسته او بريالی شو.

مخالف ګوندونه وايې، عمران خان دې استعفا وکړې او د لومړې وزير څخه يې د نوېو ټاکنو غوښتنه کړي.

د پاکستان د جمهورې تحريک مشر مولانا فضل الرحمن په اسلام اباد کې يوې خبرې غونډې ته په وينا کې وويل،

( پارلمان کې چې کومو کسانو عمران خان ته رايه ورکړې ګنې هغوي خپله رايه خرڅه کړي ده).

د پاکستان د جمهورې تحريک ګوند مشر مولانا فضل الرحمن د پاکستان د پارلمان غړې د خپلو رايو په خرڅلاو تورن کړي.

د پاکستان د جمهورې تحريک مشر همداراز د پاکستان د لومړې وزير عمران خان څخه غوښتنه کړې چې،

استعفا وکړه، پاکستان نور د تباهۍ خواته مه بوزه، اوس وخت په پاکستان کې د نوېو ټاکنو نه علاوه بله لار نشته.

په پاکستان کې د لومړې وزير عمران خان د حکومت مخالف ګوندونه د عمران خان حکومت د پاکستان د تباهۍ اصل ګڼې او بار بار د هغه د استعفا غوښتنه کوي.

له هغه وروسته چې په اسلام اباد کې د عمران خان ګوند د حکومت مهمه څوکۍ وبايله او د عمران د حکومت يو مخالف ګوند د پاکستان د پخواني لومړې وزير يوسف رضا ګيلاني په مشرۍ ياده څوکۍ وګټله نو،

يوځل بيا په پاکستان کې د عمران خان  د استعفا غوښتنې ډيري شوي دي.

تر دې مخکې هم د عمران خان د حکومت يوبل مخالف ګوند “د پاکستان د خلکو ګوند” مشر بلاول بوټو هم د عمران خان د استعفا غوښتنه کړې وه.

ياد ګوندونه ځکه د عمران خان د حکومت پرضد بغاوت کوي او د عمران خان د استعفا غوښته کوي چې دوي د عمران خان حکومت د پاکستان تباهي ګڼي او وايې، چې بايد نوې ټاکني ترسره شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More