امیرخان متقي ‌یوځل بیا ټول طالبان دروغجن ثابت کړل

خبریال وېبباڼه وسله والو طالبانو د حوت میاشتې لسمه نېټه د خپل بري ورځ ولمانځله؛ دا ورځ په دې نیت د بري ورځ ولمانځل شوه چې ګواکې طالبانو پر امریکا بری تر لاسه کړ او ددوی په ټکو امریکا ماته شوه او نور به د افغانستان واک دوی ته په لاس ورکول کېږي.‌

د هم دغې ورځې د لمانځلو پر پار د ک،ټې چاوڼۍ ته څېرمه په نوي‌کلي‌کې امیر خان متقي یو سیمینار جوړ کړی وو چې لمانځلو ته یې د طالب نظره ډېری لیکوالو ترڅنګ ځیني طالب مشران هم را غوښتي ‌وو.

که څه هم امیر خان متقي‌ د پاکستان د اکسایز له لوري‌ تورن دی او د نیولو هڅه یې هم شوې ده؛خو داسي په ښکاره د هغه غونډې او په ښکاره ګرزېدل او د موټرو په کاروان کې ګرزېدل پخپله دا ثابتوي‌چې نوموړی د پاکستاني‌استخباراتو سره ژورې اړیکي لري.‌

طالب مشرانو تېر کال په قطر کې پر امیرخان متقي‌تور ولګاوه چې د پاکستان استخباراتو ته یې ځیني ‌داسي ‌معلومات ورکړي‌ وو چې ځینو طالب مشرانو نه غوښتل چې په هغو خبر پاکستاني ‌استخبارات خبر شي؛ هم دا علت وو چې نوموړی یې د قطر له رهبري ‌لیري‌کړ او بېرته یې پآکستان ته واستاوه. هغه مهال پاکستاني‌استخباراتو هڅه وکړه چې خپل دا خواخوږی د طالبانو په لیکو کې وساتی؛‌همهغه وو چې نوموړی یې د جلب او جزب کمېسیون مشر کړ؛ خو لا هم ښاغلی متقي د جلب او جزب د کمېسیون پر ځای د کلتوري‌برخې د مشرتوب هڅه کوي.‌چې دا هڅې دا ځل طالبان درغوجن ثابت کړل؛

د روانې حوت میاشتې پر لسمه نېټه چې کله امیر خان متقي په کوټه کې کانفرانس وکړ هم مهاله یې رسنیو ته وویل چې دا کانفرانس ده د افغانستان په جنوب یعني‌هلمند ولایت کې کړی دی؛ دا خبره یوځل بیا د طالب مشرانو د غوسې سبب شوه او تر ډېره بریده یې بیا هم د پردې ترشا امیرخان متقي‌ وتراټه.‌

امیر خان متقي‌ چې د طالبانو د ړنګ شوي‌امارت پر مهال د لوړې وظیفې خاوند نه وو؛ دا په طالب مشرانو کې مشهوره ده چې امیر خان متقي له وخته پهطالبانو کې د قدرت طلبۍ او ځان غوښتنې سمبول ګرځیدلی دی، تل یې د ځان او شخصي ملکرو اړوند د شهرت  کړې ده، د تېر امارت په مهال یې هم د ځان ډیر ځلاوی کاوه، د کندوز یو سفر ده ته موقع ورکړه تر څو یې چاپلوس لیکوالان د کندوز د لمړۍ کرښې قومندان معرفي کړي که دی مجاهد وایی بیا به دی هم د دوستم او بالاخره د ګوانتانامو اسیر وای .

امیرخان متقي د د ځینو افغان چارواکو په څېر خپله فیسبوکي ډله لري‌او تر ډېره د همدغې ډلې په مټ باندي خپل مخالف طالب مشران او له تحریکه بهر کسان هم ترټي.‌

امیرخان متقي‌د طالب مشرانو برخلاف او د هغوی د خوښې خلاف ځیني‌طالب مشران له پاکستاني استخباراتو سره مخامخ کړي‌وو چې یو یې ملا فاضل وو؛‌او د پاکستاني‌استخباراتو سره د ملا فاضل شخصي کولو پر سر په قطر کې ملا برادر سخت غوسه کړ څو د امیر خان متقي له قطر نه د شړلو سبب وګرزي.

د امیر خان متقي د جایدادونو او په پاکستان او له پآکستان نه بهر کاروبارونو باندي پخوا هم خبرې شوي ‌دي؛ خو دا ځل به زه د نوموړي‌ په تړاو باندي‌ژر ډېر دقیق او نوي معلومات درسره شریک کړم.‌

لیکوال: حامد افغان

یادونه:‌
دا لیکنه یوه طالب لیکوال کړې چې په نوي‌کلي‌کې د امیرخان متقي‌مشاعرې او سیمینار ته ورغلی وو.   

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More