fbpx

اروزګان :افغان او بهرنيو ځواکونو د لاسه وتلو سيمو د نيول عمليات پیل کړي.

افغان ځواکونو په اروزګان مرکز ترينکوټ اړوند خانقه ،شاه منصور او اړوند هغو سيمو لپاره عمليات پیل کړي دي، چې د تيرو دوه ورځو پرمهال د افغان ځواکونو څخه وسله والو طالبانو نيولي وي.

د جګړي په کرښه کې ددغه ولايت د څلورمۍ پلۍ ليوا قوماندان  ډګروال عبدوالولی او ددغه ولايت د امنيه قوماندانۍ د امنيت امر محمد سردار حيا کليد ته وويل چې پیل شوي عمليات يي د بهرنيو ځواکونو په مرسته د وسله والو طالبانو دڅپلو په موخه پیل کړي دي.

دغه چارواکي زياته وي چې په روانو عملياتو کې به يو شمير سيمي د وسله والو طالبانو څخه ونیسي.

ياد امنيتي چارواکي تردامهال د وسله والو طالبانو د مرګژوبلي په تړاو مالومات نلري او زياته وې چې په جګړه کې افغان ځواکونو ته هم تر دامهاله کومه مرګژوبله نه ده اوښتي.

په ورته وخت کې ددغه ولايت اوسيدونکي پر دولت نیوکه کوي چې ولي بیله مقاومته يو شمير سيمه وسله والو طالبانو ته خوشي کوي.

د ترينکوټ اوسيدونکي د افغان ځواکونو په پیل شوه عملياتو خوشحاله دي خوغوښتنه کوې چې د عمليات وروسته ته دي د نيول شوه سيمو د ساتلو لپاره هڅي وشي.

دوی زياته وي د نا امنيو له امله د خپلو سيمو څخه بیځايه شوي ،که سيمي يي په امن کې شي دوی به خپلو کورونو ته ستانه شي.

له دي وړاندي ددغه ولايت د ولايتي شورا مسولين د افغان فوځ پر عملياتو نيوکي کړي وي او ويل چې د سيمو نيول او خوشي کول افغان ځواکونو ته د سر او مال تلفاتو اوښتو په معنا دي.

وسله والو طالبانو د افغان ګډوځواکونو د يادو پیل شوه عملياتو په تړاو تردامهاله څه نه دي ويلي خو په يوي خپره کړي خبرپاڼه کې ويلي چې ددغه ولايت د مرکز ترينکوټ اړوند خانقه او پاي ناوه سيمه کې د افغان ځواکونو څخه ۶ مرکزونه نيول او پکښي ميشته ۴۵ افغان سرتيرو ته يي مرګژوبله اړولي.

خبريال:احسان الله ولسمل د جګړي له لومړی کرښۍ څخه