هېواد کې د کرونا مثبتو پېښو شمېر ۷۱۴ ته رسېدلی

خبریال وېب پاڼه/ عامې روغتیا وزارت وایي په تېرو ۲۴ ساعتونو کې د کرونا ۴۹ مثبتې پېښې ثبت شوې دي.

له دې ډلې ١٨ یې په کابل، ١٥ په کندهار، ٦ په بلخ، ٤ په هرات، ٤ په غزني او ٢ په ننګرهار ولایت کې ثبت شوې دي.

په دې سره په هېواد کې د کرونا د مثبتو پېښو شمېر ۷۱۴ ته رسېدلی دی.

د کرونا ویروس شکمنو کسانو آزمویښت پایلو د ځنډ له امله د فاریاب سیمه اییز چارواکي وایي، په تیرې یوې اوونۍ کې یې د نږدې ٤٠ شکمنو پېښو له ډلې، یواځې د لس تنو پایله معلومه شوې ده.

په فاریاب کې مسؤولین د کرونا ویروس شکمنو کسانو آزمویښت پایله کې د ځنډ له امله شکایت لري.

د سیمه اییزو مسؤولینو په خبره، د تیرې یوې اوونۍ پر مهال بلخ ته د لسګونه استول شویو بېلګو له ډلې یوازې د یادو کسانو د لږ شمېر یې پایله اعلان شوي ده.

له دې سره، د عامې روغتیا وزارت تأییدوي چې د کافي اندازه آسانتیاوو نه شتون له امله، د شکمنو کسانو د آزمویښت پایله په ځنډ سره اعلانیږي.

خو ټینګار کوي چې د دغې ننګونې حل لپاره هڅې دوام لري.

عامې روغتیا وزارت تأییدوي چې د تشخیصیه توکو کموالی د ازمايښتونو د ځنډ لامل ګرځي، خو له بلې خوا ټینګار کوي چې په ټول هېواد کې د ازمايښتونو ظرفیت لوړولو له پاره هڅې روانې دي.

تر دا مهاله څه کم پنځه تنه په بلخ کې د کرونا ویروس له امله مړه شوي دي، چې دا شمېره بیا د ټول افغانستان په کچه دې ولایت کې زیاته ده.

بل خوا د کرونا ویروس هم مهاله د افغانستتن په ګډون ټوله نړۍ له اقتصادي بحران سره مخ کړې.

څو ورځې وړاندې نړیوال بانک د جنوبي اسیا له هېوادونو غوښتي و، چې د داسې وضعیت پر وړاندې جدي اقدامات وکړي، د بې وزلو خلکو ژوند ته دې پاملرنه زیاته کړي.

د یاد بانک پر وینا، که د جنوبي اسیا هېوادونه د دې وضعیت د مهار لپاره لاس په کار نه شي، دا هېوادونه به له اقتصادي اړخه سخت وځپي.

له یاده دې پاتې نه وي چې په دغو هېوادونو کې افغانستان هم ګډون لري.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More