fbpx

د زابل د ولسواليو اوسيدونکي د روغتيايي اسانتياوو غوښتنه کوي

 

د زابل ولايت د يو شمير ولسواليو اوسيدونکي ادعاکوي چې ددغه ولايت په ليريو پرتو ولسواليو کې روغتيايي اسانتياوې نشته،چې له امله يي دوی ناروغان د زابل مرکز کلات او ياهم ګاونډيو ولايتونو ته ليږده وي.

ددغه ولايت دولسواليو اوسيدونکي وايي په ولسواليو کې دولت ورته يو شمير روغتيايي مرکزونه جوړ کړي دي خ پکښي لازمي اسانتياوي او مسلکي ډاکتران نشته چې له امله يي دوی ناروغان په ځانګړي توګه ښځينه ناروغان تر زياته تګ وروسته روغتونو ته لېږده وي.

ددغه ولايت روغتيايي مسولين بیا زياته وي چې ددغه ولايت په ګڼو سيمو کې يي روغتيايي خدامات په ښه توګه فعاليت کوي.

د زابل د عامي روغتيا رئیس ډاکټر لعل محمد توخی وايي ، د کلات ترڅنګ یې د هرې ولسوالي په مرکز کې روغتیايي مرکزونه فعال کړي او هره ورځ په‌کې د سلګونو ناروغانو درملنه کېږي.

نوموړی دغه راز وايي، په زابل کې ټول‌ټال ۵۹ روغتیايي مرکزونه لري او یوازې ۲۰ سلنه وګړي روغتیايي خدمتونو ته لاسرسی نه‌لري. د توخي په وینا، هڅه کوي چې یاد ولایت کې نور روغتيايي مرکزونه هم جوړ کړي.

خبريال:احسان الله ولسمل