fbpx

لسګونه تازه دمي امنیتي ځواکونه جاغوري ولسوالۍ ته رسیدلي

راپورونه وايي چې لسګونه تازه دمي امنیتي ځواکونه د قره باغ ولسوالۍ له لاري جاغوري ته ورسیدل.
د غزني ولایت له مقام نه په خپره شوې خبرپاڼه کې راغلي چې د یاد ولایت د امنیه قومندانۍ د امنیت آمر سمونمل رمضانعلي محسني تیره شپه له لسګونه تازه دمي امنیتي ځواکونو سره یو ځای د قره باغ ولسوالۍ د زردالو له لاري تیره شپه جاغوري ولسوالۍ ته ورسید.

خبرپاڼه کاږي دغه تازه دمي ځواکونه د هغو مرستندویه ځواکونو په ملتیا چې د سه شنبي په ورځ یې د ځمکي له لاري جاغوري ته حرکت کړی وو، رسیدلي دي.
د یادوني وړ ده چې سلګونه مرستندویه ځواکونه له تیرو دوو ورخو راهیسي د ځمکي له لاري مالستان او جاغوري ولسوالېو ته استول شوي دي، څو له زابل او ارزګان ولایتونو او ګیلان ولسوالۍ سره پر پوله او څیرمه سیمو کې د مخالفینو مرکزونه او پټنځایونه له منځه یوسي.

WP Twitter Auto Publish Powered By : XYZScripts.com