fbpx

ډېر ژر به یو شمېر طالب زندانیان خوشې شي

د سولې عالي شورا د ځینې طالب زندانیان خوشې کېدو خبر ورکوي.

د یادې شورا مرستیال دین محمد ویلي د سولې خبرو د پیل لپاره به په نږدې راتلونکې کې ځینې طالب زندانیان د افغان حکومت له لورې خوشې شي.

طالبانو له خلیلزاد سره په لومړۍ لیدنه کې د طالب زندانیانو د خوشې کېدو خبره مطرح کړې وه چې د سولې شورا په وینا افغان حکومت هم راضي شوی چې ځینې طالب زندانیان د ښه نیت په موخه له بنده ازاد کړي.

د سولې عالي شورا وایي ډېر احتمال شته چې خلیلزاد له طالبانو سره په خبرو کې له افغانستانه د بهرنیو ځواکونو د وتلو پر مهالوېش هوکړه کړې وي.

د راپورونو له مخې طالبانو له خلیلزاد سره په لومړۍ لیدنه کې د سولې خبرو د پیل لپاره له زندانه د طالب بندیانو خوشې کېدل او دغه راز له تور لیست نه د طالب چارواکو د نومونو ایستل خپل اساسي شرطونه بللي وو، خو د سولې شورا وایي چې ډېر احتمال شته دواړه لورې له افغانستانه د بهرنیو ځواکونو د وتلو پر مهال وېش هوکړې ته رسېدلي وي.

افغان ولسمشر غني هم له سیاسیونو سره د سولې په تړاو سلا مشورې پیل کړې او ټاکل شوې چې یو مشورتي بورډ رامنځته او د سولې شورا پر ځای خپل کارونه پیل کړي

کابل څانګه