fbpx

د ښځینو شل اوریزه نړیوال جام لوبې نیمه پای لوبو ته ورسېدې

د ویسټ انډیز په کوربه توب د  (۲۰۱۸) کال ښځینو شل اوریزه نړیوال جام د نومبر پر( ۹) مه نېټه د لسو (۱۰)  غوره لوبډلو ترمنځ پیل شوې وې چې نن یادې سیالۍ نیمه پای لوبو ته ورسېدې په یاد جام کې لس لوبډلې ولوبېدلې له ډلې ویسټ انډیز پاکستان، اسټرالیا ، نیوزیلینډ،  انګلستان، سریلانکا، هند ،بنګله دېش، ایرلینډ او سوت افریقا ښځینه لوبډلې وې.

یادې لوبډلې په دوه ګروپونو باندې وېشل شوې وې چې په( الف)ګروپ کې جنوبي آفریقا ، انګلستان، ویسټ انډیز سریلانکا ،بنګله دېش په(ب) ګروپ کې هندوستان، اسټرالیا،  ایرلینډ،  نیوزیلینډ او پاکستان شامل و په دغو لوبډلو کې د الف ګروپ څخه دوه لوبډلې انګلستان او ویسټ انډیز دویم پړاو نیمه پای لوبو ته لار پیدا کړه همدارنګه په( ب) ګروپ کې اسټرالیا او هندوستان ښځینو لوبډلو نیمه پای لوبې ته لار پیدا کړه.
د ویسټ انډیز په کوربه توب د (۲۰۱۸)  کال نړیوال جام سیالیو نیمه پای لوبې د نومبر پر( ۲۲) مه نېټه ترسره کېږي په لومړۍ نیمه پای لوبه کې هندوستان او انګلستان ښځینه لوبډلې سره مخ دي همدارنګه ویسټ انډیز او اسټرالیا هم په همدې ورځ نیمه پای لوبه ترسره کوي ګتونکې دوه لوبډلې به د نومبر پر( ۲۴) مه نېټه پای لوبه ترسره کړي.

د یادونې وړده چې د تېر کال نړیوال جام اتلولي  ویسټ انډیزۍ لوبډلې ګټلې وه او دا ځل به په خپل کور کې ترې دفاع کوي.

خان وزیر عابد