غني د دوشنبې په ورځ دوشنبې ته ولاړ

خبریال ویبپاڼه/ افغان ولسمشر محمد اشرف غني نن د یوه لوړ پوړي پلاوي په ملتیا تاجکستان ته ولاړی تر څو هلته د اسیا زړه نهم کنفرانس کې ګډون وکړي او پر یو لړ مهمو مسایلو لکه افغان بحث وکړي.

ارګ په خپله یوه اعلامیه کې ویلي چې ولسمشر غني نن سهار د یوه لوړ پوړي دولتي پلاوي په مشري د اسیا زړه استانبول پروسې کنفرانس ګډون په موخه کابل د دوشنبې په تکل پرېښود  هغه به په دې کنفرانس کې د وینا ترڅنګ د تاجکستان ولسمشر امام علي رحمان، لومړي وزیر او د هغه هیواد د پارلمان رئیس سره په کتنو کې په مختلفو برخو کې د دواړو هیوادونو ترمنځ د مناسباتو او همکاریو پر پراختیا په اړه  بحث او خبرې وکړي،

د اسیا زړه استانبول پروسې کنفرانس چې دوه ورځې به دوام وکړي د تاجکستان او افغانستان ولسمشران او د غړو هېوادونو  د بهرنیو چارو وزیران پکښي ګډون کوي.

د دې غونډې د  اصلي اجنډا په هکله ویل سوي چې نن به د کار پوهانو غونډه ترسره سي او اصلي غونډه سبا ده چې افغان او تاجک ولسمشران به يې هم ګډونوال وي جوړه سي.

په ورته وخت کې د افغانستان د بهرنیو چارو وزارت هم د دې غونډې په هکله مالومات شریک کړي او ویلي یې دي چې دې غونډه کې د افغان حکومت اجنډا د افغان سولې لپاره د سیمه ییزې اجماع پیاوړي کول دي، او کوښښ به وسي چې په دې غونډه پر دې موخه او د نورو هېوادونو پر اقتصادي او امنیتي چارو بحثونه کیږي.

په دې غونده کې د۵۰ هېوادونو او یو شمېر نړوالو سازمانونوړ استازي او د ۱۷ هېوادونو د بهرنیو چارو وزیران ګډون کوي چې پر مهمو امنیتي او اقتصادي مسایلو بحثونه کوي

جزیات وايي د دې کنفرانس اصلي هدف په سیمه کې همکاري او بارو جوړول دي ځکه اوس يه سیمه ییزه کچه هېوادونه له ترهه ګرۍ او مخدره توکو قاچاق سره مخ دي همدارنګه به د بېخ بنسټونو پروژو، اقتصادي او انرژۍ برخه کې پر همکاریو باندې بحث وسي او له دې سره ترخوا به د افغانستان له لوري د سولې پروسې د وروستیو هڅو او یوې پياوړې اجماع په رامنځ ته کولو کې هم کوښښ وسي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More