د اسیا زړه کنفرانس ګټه افغانستان ته

خبریال ویبپاڼه/ د اسیا زړه استانبو پروسې کنفرانس پر داسې مهم وخت جوړیږي چې د افغانستان په هکله د برخلیک ټاکلو وخت دی او څو ورځې  وروسته د ترکیې استنابول د افغان سولې پر تړاو لوی کنفرانس جوړسي.

د استانبول پروسې کنفرانس ګډون لپاره نن افغان ولسمشر محمد اشرف غني له کابله دوشنبې ته رسیدلی او تمه ده سبا سه شنبه په دې پروګرام کې ګډون او وینا وکړي.

د افغانستان د بهرنیو چارو وزارت ګران هېواد هیله څرګنده کړې چې دا کنفرانس به د افغان پر تړاو د سیمه ییزې اجماع په رامنځ ته کولو مرسته وکړي، هغه وویل د دې غونډې موخه په افغانستان کې د سولې پرتړاو د سیمه ییزې  اجماع تقویت او رول دی او دوی هیله لري چې دې موخې ته به و رسیږي.

له دې سره تر خوا په دې کنفرانس د ۱۷ هېوادونو د بهرنیو چارو وزیران ګډون کوي چې د کنفرانس په څنډه کې به ورسره افغان وهم ویني چې کیدلای سي د راتلوونکې سولې کنفرانس چې روسیه کې جوړیږي ورسره پر تړاو خبرې  وکړي په دې کنفرانس کې د ترکیې پاکستان او نورو ښکېلو سیمه ییزو هېوادونو بهرنیو چارو وزیران ګډون لري او مرسته به وکړي چې د افغان سولې او ترکیې کنفرانس او افغانستان د راتلوونکې برخلیک په هکله مالوم لوری وټاکي.

په عمومي ډول په دومره مهم وخت کې د افغان مشرانو ټولیدنه د زیات شمېر نړیوالو هېوادونو منځ ګټوره ده ځکه سیمه ییز هېوادونه د افغان سولې پر تړاو کتنې او اړتیاوي لري او همدارنګه له سولې وروسته د افغانستان اړتیاوی هم ډیري دي چې  باید له مهمو سیمه ییزو هېوادونو سره شریکي سي او د یوې قوي اجماع په رامنځ ته کولو سره له هغوی څخه د سولې پروسه کې مرسته غوښتل یو بل غوره وړاندیز دی چې کیدلای سي افغان مشران يې د دې کنفرانس له لارې له ګډون کوونکو هېوادونو سره شریکي کړي، چې په ښه ډول سره به د ترکیې کنفرانس ته چمتوالی نیول سوی وي او همدارنګه به سیمه ییزه اجماع د تازه نظریاتو په لرلو سره قوي وي، چې کولای سي دې پروګرام ته بریا اونتیجه ورکړي.

همدارنګه په اقتصادي برخه او د انرژۍ برخه کې هم د افغانانو اړتیا دنورو وګړو په پرتله زیاته ده او کولای سي چې د دې کنفرانس له لوري افغانستا ته په دواړو یادو برخو کې پاملرنه زیاته سي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More