fbpx

په پکتيا کې د زده کړو لپاره يوه ودانۍ جوړيږي 

 

روغتیايي زده کړو لپاره دغه ودانۍ د زون په کچه جوړېږي، چې  مالي لګښت یې د هندوستان هېواد له لوري ورکول کېږي.

 د مسوولینو په خبره، چې په دې مرکز کې به زده کوونکو ته د روغتیا په برخه کې بېلابېلې زده کړې ورکول کېږي.

د پرانېستې په مراسمو کې د پکتیا والي شمیم خان کټوازي رسنیو سره په خبرو کې وویلي، چې یاده ودانۍ په دوه پړونو کې جوړېږي او  ۲۳ میلیونه افغانۍ لګښت پرې راځي، چې چارې به يې د دیارلسو میاشتو په کاري موده کې بشپړې شي.

په ورته مهال بیا د پکتیا د عامې روغتیا ریاست مسوولین وايي، چې په دغه مرکز کې زده کوونکو ته د روغتیا په بېلابېلو برخو کې زده کړې ورکول کېږي.

د عامې روغتیا ريیس ولایت خان احمدزی زیاتوي، چې دوی به په لومړي پړاو کې د زون په کچه ( ۹۰ ) زده کوونکي جذب کړي.

داپه داسي حال کې ده چې له دي وړاندي په دغه ولايت کې  د روغتيايي زده کړو لپاره داسي مناسب ځاي شتون نه درلودي چې محصلينو زده کړي پکښي کړي وايي.

 

 

Loading...