fbpx

غني: حکومت د ټاکنو ترسره کېدو ته ژمن دی

افغان ولمسشر محمد اشرف غني پرون ماښام د ولسوالیو شوراګانو نوماندانو سره وکتل.

له ارګ نه په خپره شوې خبرپاڼه کې راغلي چې نېک بخت عارفي او ذبیح الله حلیمي د نورو په استازیتوب د خبرو پرمهال وویل، نوماندان د ټاکنو بهیر په اړه عامه پوهاوي کې مهم رول لري.

هغوی زیاته کړه، د ولسوالیو شوراګانو ۴۰ سلنه نوماندان دولتي او خصوصي برخه وو چې ځینو یې له خپلو دندو استعفاوې کړي، مګر ټاکنې ونشوې او هغوی متضرر شول.

هغوی وویل، د دې نوماندانو لپاره تحصیلي سند یوه معضله رامنځته کړه او له دې امله مو په ځینو ولسوالیو کې نوماندان نه لرل.

سرچینه کاږي نېک بخت عارفي او ذبیح الله حلیمي له حکومت وغوښتل چې د ولسوالیو شوراګانو د نوماندانو امتیازات او واکونه مشخص شي او د جمهوري ریاست او ولسوالیو شوراګانو ټاکنې  باید ترسره شي، ځکه په دې برخه کې بل هیڅ بدیل نشته.

خبرپاڼه لیکي ښاغلي وویل، ستاسو له  نوماندۍ او په ټاکنو کې ستاسو له حضور سره د ولسواکۍ راتلونکی روښانه دی. هغه ټینګار وکړ، ټاکنې د هیواد د نجات کیلي ده.

 ولسمشر زیاته کړه، حکومت د ټاکنو ترسره کېدو ته ژمن دی او زه شخصاً همزمان د ولسمشریزو او ولسوالیو شوراګانو ټاکنو د ترسره کېدو پلوی یم، اما په دې اړه باید د ټاکنو کمېسیون تصمیم ونیسي.

ښاغلي غني څرګنده کړه، ټولو هغو کسانو چې د ولسوالیو شوراګانو ټاکنو ته د نوماندۍ لپاره یې خپل کار له لاسه ورکړی، د هغوی د بیا تقرر قانوني لارې لټول کېږي او د اداري اصلاحاتو او ملکي خدمتونو کمېسیون په دې اړه پر یوې طرحې کار کوي.

 

 

Loading...