پ.طالبان: د پاکستان د نظام ساتونکي به یو یو ووژنو

خبریال وېبپاڼه /پاکستاني طالبانو د دغه هېواد د پوځ په وړاندې د خپلې وسله والې مبارزې په لړ کې د صادق خان په نوم یو پوځي وژلی دی.

د پاکستاني طالبانو د تحریک ویاند محمد خراساني ویلي، چې دغه پېښه تېره شپه د خیبرپښتونخوا د بنو ولسوالي په ټاون شپ سیمه کې رامنځته شوې ده.
هغه ویلي، چې ملګرو یې د صادق خان په نوم پاکستانی پوځي لومړی تعقیب کړی او وروسته یې وواژه.
ده ټینګار کړی، چې د پاکستاني حکومت او پوځ پر ضد به یې وسله واله مبارزه تر هغو جاري وي، چې دغه نظام یې نه وي را پرځولی او پوځ یې ړنګ کړی نه وي.
د خراساني په خبره، هر هغه څوک به په خپل نوبت ووژني، چې د یوې ورځې لپاره یې هم د پاکستان د ظالم نظام په ګټه ټوپک او لباس په غاړه کړی وي او د دغه مفسد نظام ساتنه کوي.
که څه هم پاکستاني چارواکو تر اوسه په دې اړه څه نه دي ویلي، خو د پاکستاني طالبانو په مقابل کې کرار نه دي ناست او وخت ناوخته یې پر ضد عملیات کوي.
پاکستاني طالبان څوک دي؟
پاکستاني طالبان د پاکستان د دولت پر ضد جنګيږي چي د دوی په فکر د امريکا غلام دی او د دیموکراسۍ او غربي قوانین عملي کوي. د دې تر څنګ دوی د سوفيانو، شعيه مذهبو او احمديانو په وړاندي هم جګړه کوي چي دوی ورته د کافرانو په سترګه ګوري. له پاکستان څخه د باندي د امريکا پر ضد بريدونه هم د پاکستاني طالبانو د خوښۍ باعث ګرځي. په دوه زره اووم مېلادي کال بيت الله محسود د پاکستاني طالبانو د غورځنګ بنسټ کېښود چي د هغه له مړيني وروسته هم اوس د پاکستاني طالبانو ډلې بېله يو د بل سره د منظم کېدو خپلسري فعاليتونه کوي.
د افغانستان د طالبانو په پرتله د پاکستاني طالبانو ډلې يو د بل سره زياتې نه دي تنظيم، خو د قبايلي سيمو څخه ليري د پاکستان په زړه کې بعضي بريدونه د پاکستاني طالبانو دا وړتيا هم ښيي چې دوی ګډ کار کولای شي.
که له يوې خوا د پاکستان پوځ د ستراتيژيکو ملګرو په توګه د افغانستان د طالبانو له لاسه ورکول نه غواړي، له بلې خوا د خپل هيواد دننه د اورپکو له منځه وړل غواړي. له بلې خوا په ټوليزه توګه دغه هيواد په دې کې پاتې راغلی چې په قبايلي سيمو کي د پرمختګ او تعليم لپاره کار وکړي. د قبايلي سيمې ځوانانو ته پرته د ديني سخت دريځۍ بله لاره نه وي پاته چي له امله يې ګڼ شمېر دغه ځوانان د طالبانو په بېلا بيلو ډلو کي غړيتوب اخلي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More