fbpx

د مولوي عبدالبصیر حقاني د وژنې په تور یو تن نیول شوی

چارواکي خبر ورکوي چې  پولیسو د کابل د عالمانو شورا د ريیس قاتل نیولی  او ترې پوښتې روانې دی.

د افغانسان د د کورنیو چارو وزارت وايي، چې د مولوي عبدالبصیر حقاني قاتل له پېښې شاوخوا ۴۰ دقیقې وروسته ونیول شو.

یاد وزارت په دې اړه نور جزییات څرګند نه کړل خو پرون /شنبه/ له پېښې وروسته داعش سختدریځې ډلې، چې ځان اسلامي دولت بولي، د دې برید مسوولیت په غاړه واخیست.

سرچینې له دیني عالمانو غوښتي چې د مشکوکو کسانو یا ګواښ د لیدلو په صورت کې پولیسو خبر کړي.

یاد دې وي چې مولوي عبدالبصیر حقاني پرون ماسپښین په چهلستون کې د یوه تن له لوري د تمانچې په ډزو شهید شو.

مولوي حقاني په افغانستان کې د روانې جګړې او انتحاري حملو په اړه په زغرده خبرې کولې او د یو شمېر نورو ملایانو په شان یې د ترور کېدو له وېرې محافظه کاري نه کوله.