fbpx

د بدخشان د پستې حاصلات ډېر شوي

د تېر کال په پرتله سږکال په بدخشان ولایت کې د پستې حاصلات  ډېر شوي.

د کرنې، اوبو لګونې او مالداری وزارت نه په خپره شوې خبرپاڼه کې راغلي، چې د دې ولایت د پستې محصولات دتېر کال په پرتله ۱۰۰ ټنه زیاته شوې ده.

خبرپاڼه زیاتوي، چې تېر کال ددې ولایت د پستې له ونو څخه ۳۰۰ ټنه حاصل ترلاسه شوې وه خو سږ د بدخشان د پستې د حاصلاتو کچه ۴۰۰ ټنه ده.

پّ همدې حال کې د بدخشان دکرنې، اوبو لګولو او مالدارۍ ریاست چارواکي وایي، د پستې بڼونه او نیالګي تر ډېره د بدخشان ولایت په شهربزرګ، تشکان، یفتل پایان، ارګو، کشم، درایم، دروازها، راغ، یاوان او کوهستان ولسوالیوکې شتون لري.

دوی زیاتوي، چې په بدخشان کې د دې مېوې عواید هم ښه دي. د سیمه ییزو بازارونو د بیې پر اساس د بدخشان د پستې د بڼوالو عاید ۲۸۵ میلیونه او ۷۰۰ افغانۍ دی، چې د تخار، کندز، کابل او د یاد وزارت په وینا، د دې وزارت له خوا جوړې شوې بڼونه له یوې تر پنځه جریبه ده.

 یاد دې وي چې په بدخشان کې د کرنې وزارت د بڼوالۍ او مالدارۍ ملي برنامې «NHLP» او د بدخشان دکرنې ادارې له خوا ۵۲۰ جریبه د پستې بڼونه جوړې شوي دي او ددې ترڅنګ ۱۴ زره هکټاره د پستې ځنګلونه په طبیعي ډول ددې ولایت غرونه پوښلي دي.

Loading...