fbpx

د ټاکنو د ځنډ طرحه څېړل کېږي

د ټاکنو خپلواک کمیسیون وایی، د ټاکنو د درې میاشتني ځنډ طرحه څېړي او دا طرحه تر اوسه پورې نهايي شوې نه ده. د یاد کمیسیون مرستیال ویاند عبدالعزیز ابراهیمي وایي، چې ټاکنو کمیسیون د راتلونکو ولسمشریزو ټاکنو طرحه تر څېړنې لاندې نیولې او تر نهایي کېدو وروسته به یې په اړه معلومات له رسنیو سره شریک کړي.

هغه ویلي چې له ولسمشرۍ ټاکنو سره یو ځای د غزني د ولسي جرګې د ټاکنو تر سره کېدل هم هغه موضوع ده چې ټاکنو کمیسیون یې تر اوسه په اړه وروستۍ پرېکړه نه ده کړې.

د راتلونکو ولسمشریز ټاکنو لپاره د (۱۳۹۸ل) کال د حمل یا وري میاشتې (۳۱)مه نېټه ټاکل شوې وه، خو نن ورځ یوې معتبري سرچینې وویل، ټاکنو کمیسیون پرېکړه کړې چې د ولسمشرۍ راتلونکې ټاکنې درې میاشتې په ځنډ تر سره کړي.