د سرتیرو وتلو ته د سي ای اې سخت غبرګون

خبریال ویبپاڼه/ د بایډن له هغه اعلان وروسته چې و یې ویل د سپټمبر تر ۱۱ ټول سرتیري له افغانستان باسي د امریکا استخباراتي ادارې سخت غبرګون ښودلی او ویلي یې دي چې د ټولو سرتیرو ایستل عجبه دي.

د سي ای اې لوړپوړو چارواکو ویلي چې له افغانستانه دومره ژر د ټولو سرتیرو ایستل به د القاعدې او داعش ډلې سره مرسته وکړي ترڅو بیا وړتیا پیدا کړي او د همدې امریکا پر ضد بریدونه وکړي.

انتقاد دا دی چې باید ټول سرتیري له افغانستانه ونه ایستل سي ځکه افغانستان به یو ځل بیا د ترهه ګرو په ځاله بدل چې بیا به امریکا او ټولې نړۍ لپاره ګواښ وي.

په ورته وخت کې د امریکا د سنا مجلس غړي هم په دې اعلان سخت قهریدلي او ویلي یې دي چې په اوسني وخت کې داسې پریکړه کول احمقانه او دښمن ته تسلیمدل دي.

د سي ای اې مشر بل برنز ویلي که چیري امریکايي او متحدین ځواکونه وزي نو په افغانستان کې د پام وړ خطره موجودیدلای سي هغه اندېښنه وښودله چې د القاعدې په ګډو به یو نورې ترهه ګرې ډلې یو ځل بیا سر راپورته کړي او بریدونه به ترسره کړي.

د محلي استخباراتو یوه بل مشر ایوریل هینس وویل چې د ترهه ګرو سره تر خوا افغانستان ته نور هېوادونه لکه چین روسیه ایران او شمالي کوریا هم خطر جوړولای سي.

په کور دننه امریکا کې د سرتیرو ایستلو په وړاندې سخت مخالفتونه بې څه نه دي او داسې ښکاري چې د امریکا دولت به یوځل بیا د خپلو سرتیرو د ایستلو په اړه په فکر کولو ته اړه سي

د بایډن په خبرو کې داسې ښکاره سوه چې زه له افغانستانه سرتیري باسم خو دا ښکاره نسوه چې څه وخت هغه یوازي اشاره وکړه چې زه به د سرتیرو دا شتون بل ولسمشر ته پرې نه ږدم خو دا یي ونه ویل چې هرڅومره ژر کیږي خپل سرتیري باسي.

د امریکا له دې اعلان وروسته نورو هېوادونو هم چې افغانستان کې  پوځي حضور لري په همدې نېټې د سرتیرو ایستلو پریکړه وکړه چې له امریکا سره به یوځای وزي همهاغه خبره سوه چې یوځای راغلي یو ځای به ځو.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More