fbpx

نن د افغانستان په اړه د جینیوا کنفرانس پرانیستل کېږي

د افغانستان پر پرمختګ په اړه نن د جینیوا دوه ورځیني کنفرانس د ولسمشر محمد اشرف غني او د ګڼو نورو هیوادونو د جګپوړو چارواکو په ګډون به پرانیستلشي

د معلوماتو په اساس دا کنفرانس د هغو ۱۵ ملیارده او ۲۰۰ ملیون ډالره ژمنې لپاره هم مهم دی چې په ۲۰۱۶ م کال له افغانستان سره شوې وه.

د افغانستان پلاوی به د خپل هیواد د ودې، امنیت، له فساد سره د مبارزې، د تاسیساتو د جوړولو او ښځو ته د ونډې ورکولو په اړه خپلې ستراتیژۍ روښانه کړي.

افغان پلاوی به همداراز د نړیوالې ټولنې د مرستې پر دوام ټینګار وکړي.

په یاد کنفرانس کې به افغانستان د خپلو پخوانیو ژمنو او پر هغو د عمل حساب ورکړي او د اصلاحاتو په اړه به نوې ژمنې وکړي.

د سویس د جینیوا په پالیس دیس نېشنز (Palais des Nations) کې به د دې سرمشریزې کوربه توب افغانستان او ملګري ملتونه په ګډه وکړي.